Studentët duhet të përgatiten të paguajnë 40 deri në 80 mijë dollarë në vit për të ndjekur një kolegj, apo universitet amerikan katërvjeçar. Por siç njofton korrespodentja e Zërit të Amerikës Laurel Bowman, ekzistojnë mënyra për të ulur kostot në mënyrë drastike për studentët ndërkombëtarë që duan të ndjekin studimet në Shtetet e Bashkuara.
Ndjekja e një kolegji, ose universiteti në Shtetet e Bashkuara mund të jetë e shtrenjtë, çmimet e larta mund të nxisin shqetësim tek disa studentë ndërkombëtarë. Por ekspertët thonë se ka mënyra për të kursyer para.
Evelyn Levinson drejton departamentin e pranimeve të studentëve ndërkombëtarë në Universitetin Amerikan në Uashington. Ajo thotë se bursat janë një prej mundësive
“Ata mund të studiojnë për degë të ndryshme, ose mund të ndjekin kurse më të specifikuara. Ka bursa të ndryshme për një fushë të caktuar studimi, ose bazuar në kritere të ndryshme, si përkatësia etnike e aplikantit. Këshilla ime e parë për një student do të ishte të kuptoni kriteret e bursës para se të aplikoni për të.”
Studentja ruse Ekaterina Simonova mori një bursë pothuajse të plotë për të ndjekur Universitetin Amerikan.
“Këto bursa janë të rralla, por ekzistojnë. Pra, këshilla ime për studentët ndërkombëtarë është që të bëjnë shumë kërkime për të gjetur bursat, për të gjetur atë bursë që u përshtatet në mënyrë të përsosur."
Yasemin Sayar, nga Turqia, po ashtu mori një bursë për të ndjekur Universitetin Amerikan.
“Do t’u këshilloja të bënit kërkime para se të vini këtu, sepse është absolutisht një proces i kushtueshëm”.
Zonja Levinson thotë se vend-ndodhja e universitetit mund të ndikojë tek kostoja.
“Nëse një universitet është në një zonë të vogël, rurale, të Shteteve të Bashkuara, kostoja e jetesës do të ishte ndoshta 30 për qind më e ulët se në zona të tjera. Pra, kur një student të vlerësojë shpenzimet, nuk duhet të pëqendrohet vetëm tek tarifat e shkollimit, por edhe tek konviktet, ushqimi, sigurimi shëndetësor, librat. Pra duhet të bëjë kërkime për të ditur se sa kushton të jetosh atje ku do të studiosh”.
Ajo shton gjithashtu se një mënyrë tjetër për të shkurtuar shpenzimet është të mos synohet menjëherë ndjekja e një universiteti 4 vjeçar.
“Ata mund të ndjekin studime për degë të ndryshme, ose kurse për fusha të caktuara, më të ngushta. Ka bursa të ndryshme që jepen për degë të ndryshme. Filloni studimet në Shtetet e Bashkuara në një universitet më pak të kushtueshëm, mund të ishte kolegj komunitar, një shkollë profesionale 2 vjeçare dhe më pas mendoni për t’u transferuar tek universiteti ideal, aty ku doni të diplomoheni”.
Pikërisht këtë po bën Arshia Khosravi Esmaeili nga Irani. Ajo po ndjek kolegjin komunitar Montgomery në Rockville, në shtetin e Merilendit, një shkollë profesionale pranë Uashingtonit.
“Kur aplikova doja të merrja certifikatën dhe më pas të tranferohesha në një shkollë 4 vjeçare për të marrë diplomën”.
Ernest Cartledge mbikqyr pranimin e studentëve ndërkombëtarë në Kolegjin Montgomery.
“Pagesa për një kurs në një kolegj publik për një lënde të caktuar është 380 dollarë. Në një institucion 4 vjeçar, do të paguanit trefish më tepër. Pra nëse një student ndërkombëtar do të vinte dhe mbaronte një kolegj dy vjeçar dhe më pas do të transferohej në një institucion 4 vjeçar për t’u diplomuar, do të kursente goxha para”.
Mënyra të tjera për të kursyer përfshijnë ndjekjen e kurseve në vendin tuaj dhe më pas ardhjen në Shtetet e Bashkuara dhe marrjen në konsideratë të universiteteve që mbështeten nga shteti, përballë atyre private./ VOA
Lajme të tjera
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59
