Si ndryshojnë taksat dhe 
tarifat në Bashkinë e Tiranës

TIRANE- Pas ndryshimit të hartës territoriale, Bashkia e Tiranës ka ndryshuar taksat dhe tarifat që do paguajnë 13 njësitë administrative që i janë bashkuar. Në projektvendimin që ka zbardhur “shqiptarja.com” përcaktohen tarifat dhe taksat për çdo shërbim, duke filluar nga parkimi i automjeteve deri tek kontrolli që do t’i bëhet mishit.

Në njësinë administrative Farkë do të paguhet 200 lekë për parkimin e autoveturave, ndërsa për ta rezervuar për një vit, një vend parkimi në pronë publike do të paguht 20 mijë lekë. Gjithashtu, ata persona që do të mbajnë qen luksi në njësinë e Farkës do të paguajnë një tarifë prej 11 mijë lekësh të reja në vit. “Tarifa për mbajtjen e qenve të luksit 11.000 lek /vit”, - përcaktohet në prjektvendimin e Bashkisë së Tiranës.