POP 5

Lajmet më të lexuara të 5 minutave të fundit

Ekonomi

Si t'i përdorim krizat si mundësi zhvillimi? Ekspertët: Mbijeton kush përshtatet

Nëse ja del të përshtatesh dhe të prodhosh atë që tregu kërkon, do ia dalësh t'i mbijetosh krizës dhe të fitosh. Në këtë konkluzion dalin ekspertët teksa komentojnë situatën në të cilën ndodhet biznesi në vend. Njohësit e fushës këshillojnë që krizën që po shkakton COVID-19, bizneset ta shohin si mundësi për të zhvilluar aktivitetin në një drejtim tjetër.

TIRANË- Krizat ekonomike mund të kthehen edhe në mundësi për të fituar më tepër. Kjo për ekspertët mund të arrihet nëse ja del të përshtatesh me nevojat e tregut dhe të bashkëjetosh me krizën. Studiuesja e pavarur e politikave ekonomike Dorela Beqaj rendit për Report TV se cilat biznese po ja dalin aktualisht.

“Farmaceutika është një nga bizneset që e janë orientuar aktivitetin tek tregtimi i produkteve që kërkohen edhe më shumë, siç janë maskat, dezinfektues apo edhe doreza. Fitues janë edhe ato të shitjeve online që kanë njohur rritje në të gjithë botën. Po ashtu janë edhe ata që përdorën shërbimet delivery, apo shërbimi taksi ka pasur një ecuri të mirë për shkak se i janë përshtatur më së miri situatës”, thotë ajo.

Ndërsa eksperti i ekonomisë Zef Preçi pohon se kriza e shkaktuar nga pandemia duhet të shfrytëzohet për të ndryshuar mënyrën e të bërit biznes.

“Bizneset duhet të vet rregullohen dhe të kuptojnë që asgjë nuk do të jetë më si më parë. Më të rrezikuar janë bizneset që kanë lidhje direkt me konsumatorin, nëse s’ka paga nuk ka shitje mallrash. Kriza nuk është vetëm një reflektim i momentit por është një mundësi për të përshtatur mallrat që do të prodhohen në varësi edhe të tregut”, pohon eksperti.

Pika ku bashkohen njohësit e fushës, dhe që tashmë po kthehet në domosdoshmëri është rritja e konsumit, që është në rënie prej 4 muajsh.

“Duhet një nxitje e drejtpërdrejtë e konsumit dhe ajo që sugjeroj është që për të gjithë individët për një periudhë të caktuar qeveria të vendos në dispozicion transferta parash në mënyrë që ato të shpenzohen”, shprehet Beqaj.

“Pakësimi  i konsumit, humbja e tregjeve jashtë e me radhë, çojnë në përkeqësim të situatës në tërësi”, pohon Preçi.

Sa i takon humbësve, biznesi e përqendruara në turizëm, në shitje të veshjeve dhe në transport kanë pësuar më shumë humbje nga karantina dhe situata në tërësi.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20