Mijëra besimtarë myslimanë kanë marrë pjesë sot në ritin e faljes së Kurban Bajramit në të gjitha qarqet e vendit. Myftinit e të gjitha qyteteve kanë uruar besimtarët muslimanë, duke iu bërë thirrje edhe për distancim nga aktet e dhunës dhe marrjen e jetëve njerëzore.
Fushë Krujë
Në Fushë Krujë besimtarët muslimanë dolën herët në mengjes rreth orës 05 e 30 e falja e namazit u bënë në orën 7. Më pas komuniteti mysliman i Fushkrujës shpërndau disa pako me ushqime dhe mish nga kurbani i tyre për familjet dhe personat në nevojë.
Elbasan
Në Elbasan ceremonia është zhvilluar në sheshin kryesor të këtij qyteti. Drejtues të myftinisë Elbasan, teologë dhe imamë kanë mbajtur fjalimet e rastit. Ata u luten për më shumë dashuri, harmoni dhe solidaritet në vatrat familjare. Myftiu Agim Duka u shpreh se festa e Kurban Bajramit është një ngjarje e shënuar për fenë islame, dita që i afron besimtarët më pranë Allahut dhe që rrit paqen, solidaritetin.
Fier
Që në orët e para të mëngjesit qindra besimtarë muslimanë në Fier kanë falur namazin në xhaminë e qytetit, ndërsa kreret myslimanë të myftinisë kanë përcjellë urimet për paqe dhe harmoni mes njerëzve. Namazi u fal në orën 07: 10 minuta. Ceremonisë se faljes i parapriu me fjalën e tij myftiu i Fierit, Taulant Bica, duke përcjellë mesazhin për më shumë paqe dhe respekt ndaj njeri-tjetrit.
Berat
Ndërsa besimtarët myslimanë në qytetin e Beratit kanë falur sot Kurban Bajramin në Pedonalen e qytetit, e cila është mbushur me besimtarë, të cilët janë falur për mirësi, shëndet dhe fat për familjet e tyre. Falja e bajramit është ndjekur dhe nga qytetarë beratas, pavarësisht besimit të tyre fetar.
Lushnje
Në Lushnje falja e namazit të Kurban Bajramit është bërë në dy pjesë. Kjo ndodh për të disatin vit radhazi. Ndjekësit e xhamisë së vjetër e kanë kryer ritin e faljes në ambiente private. Ndarja ka ndodhur që në vitin 2004 kur myfti u shpall Tomorr Boriçi, ndërsa besimtarët e vjetër falen pak metra larg xhamisë nën drejtimin e ish myftiut Zylyftar Dervishi. Ndonëse me ardhjen e myftiut Gramos Blliku pritej që të gjendej gjuha e përbashkët, bashkimi i besimtarëve muslimanë në Lushje ende nuk ka ndodhur.
Komente
Lajme të tjera
-
Pamjet virale që ngjallën zemërim në Britani! Tetë studentë falen jashtë shkollës në të ftohtë pasi nuk u lejuan brenda! Akademia: Kërkojmë ndjesë të sinqertë (VIDEO)
4 Dhjetor 2021, 19:31 -
Festa e Kurban Bajramit, mijëra besimtarë mbushin sheshet e xhamitë në të gjithë vendin, Kreu i KMSH: Të shpërndajmë sa më shumë dashuri
20 Korrik 2021, 07:11 -
Nesër Kurban Bajrami, në Mekë vetëm besimtarët e vaksinuar
19 Korrik 2021, 09:58 -
Namazi i Bajramit do të falet në xhami, Gurra: Ramazan i trishtë, zonat e gjelbra ta falin në sheshe
23 Maj 2020, 17:54
