Si u ngjizën putinistët dhe 'sovranistët' shqiptarë

Kur dëgjon Putinin dhe zyrtarët e tij të lartë të flasin për “Juntë” “drogaxhinj” apo edhe “sovranizëm” këto orë që duan të bëjnë bombardim propandistik në luftën hibride që kanë ndërmarrë në Ukrainë, duket se këto shprehje i kanë marrë në Tiranë.

Në fakt, nuk se ka ndonjë gjë të çuditshme që kemi parë madje prej kohësh, instalimin e disa qendrave e segmentëve politikë të logjikave putiniste, që kanë synuar vetëm një gjë, të krijojnë një frymë antiamerikane e antiperëndimore në vend.

Frymë, e cila natyrisht nuk është një fenomen vetëm shqiptar, por prej vitesh ka një valë të një logjike të tillë jo vetëm në Ballkan, që është një terren i rëndësishëm i interesave ruse, por edhe në Europë.

Megjithatë, për tu ndalur në Shqipëri, ku kemi parë këto vite një fenomen i shprehur kryesisht në rrjetet sociale, ku është vënë re një “shpërthim i çuditshëm” i filoputinëve shqiptar. E siç doli nga një investigim i rëndësishëm që u bë nga organizata britanike e europiane, i cili u publikua edhe në një dokumentar cilësor, kemi pasur një strategji të plotë të luftës kibernetike nga Rusia. Ku prodhoheshin jo vetëm adresa e llogari facebook-u, por edhe propagandë e shënjestruar politike në vend.

Ky filoputizëm nuk ka qenë aspak një simpati për Rusinë, Moskën, apo ish-Bashkimin Sovjetik, ku mund të ketë ende pjesë të nostalgjisë së marrëdhënieve të vjetra përpara vdekjes së Stalinit, pra para vitit 1953.

Por kemi të bëjmë me një linjë të qartë politike, që ka marr hov herë pas here dhe është shuar më pas si pasojë e mosngjitjes në opinion.

Një linjë, që është gatuar në kuzhinat strategjike të Kremlinit, e që kanë  një linjë të qartë: krijimin e një shtrati antiperëndimor. Aleksandër Dugin, është një filozof nacionalist rus, beniamin i Putinit, që drejton prej vitesh një institute që shpërndan këtë teori. E po prej vitesh, një kënd i portalit antiperëndimor, shpërndan material të tëra edhe në gjuhën shqipe.

E pikërisht, pjesë e koncepte të kësaj logjike kanë hyrë kokë e këmbë në politikën dhe median shqiptare. Ekzaktësisht, kjo frymë ka nisur pikërisht kur u miratua reforma në drejtësi, si një aksion i mbështetur fort nga SHBA e BE.

Pikërisht në atë kohë, një “veprimtar civil” që i thotë vetes avokat dhe që është gjithmonë në krah të Sali Berishës shpalli edhe formalisht “opozitën e re euroskeptike shqiptare”.

Para disa vitesh, , shumë pranë vendit ku zhvillohej takimi i kryeministrave të Ballkanit, ky “veprimtar” deklaroi se “sot shpallet opozita e re euroskeptike shqiptare. Një opozitë nacionaliste e llojit të ri, që e kupton të gjithë atë që është bërë gjithë këto vjet nga BE ndaj Shqipërisë, si një mashtrim, pasi kanë vënë një vijë horizonti e cila largohet sa herë afrohemi. Një ëndërr mashtruese e njëjtë me atë që komunistët e PPSH-së flisnin për arritjen e komunizmit”.

E natyrisht që këto grupe kanë pasur në mënyrë të qartë mbështetjen dhe reflektimet në qëndrime e deklarata antiperëndimore krejt të qarta. Të cilat tek Sali Berisha e Ilir Meta, kanë pasur pasqyrimin e tyre më eminent.

Që natyrisht është mbështetur në retorikat e teoritë konspirative antisorrosiane, që edhe sit ë tilla janë identik me qëndrimet që prej vitesh mban Putini, por edhe ideologët e tij të gjeopolitikës si Aleksandër Dugini.

I cili, në kohën kur fitoi Trump u quajt edhe si një një Rasputin i ri nga mediat që përkrahnin Presidentin e zgjedhur atëherë në SHBA, e që edhe sot ka simpati për Vladimir Putinit.

Në qendrën e mendimeve të Duginit, përveç luftës ndaj liberalizmit, është Euroazia. Një pakt ruso-islamik, një perandori tokësore e drejtuar nga Rusia, e shtrirë deri në Iran përfshirë Turqinë dhe Europën lindore: ky është misioni i ri rus, ambicie e cila do të justifikonte edhe ngulmimin e Moskës për t’u rikthyer në tokat ish-sovjetike, nga Baltiku në Detin e zi./TemA

TAG:
• shqiperia
• rusia
• ukraine
• rusia sulmon ukrainen