Në kuadër të sezonit veror dhe sigurisë në det policia ka intenstifikuar kontrollet në bregdetin e qarkut të Vlorës.

Përmes një njoftimi zyrtar për mediat blutë bëjnë me dije se kanë bllokuar 41 mjete lundruese (7 Jet Ski, 34 gomone dhe skafe) në Ksamil, pasi kanë rezultuar në paligjshmëri.

Drejtuesit u gjobitën për shkeljet si vijojnë:
3 për shkelje të perimetrit të sigurisë -  gjobë 100 000 lekë secili;
2 për tejkalim të numrit të personave që lejohen në bord - gjobë 30 000 lekë secili;
1 për ushtrim të aktivitetit pa licencë - gjobë 100 000 lekë;
1 për mosregjistrim të pronësisë mbi mjetin lundrues - gjobë 20 000 lekë;
34 për mungesë të dokumentacionit në bord - gjobë 10 000 lekë secili.

Njoftimi i plotë:

Vijojnë intensivisht kontrollet nga Policia Kufitare dhe Njësia Policore Detare, në të gjithë vijën bregdetare të qarkut Vlorë, ndaj mjeteve lundruese, kryesisht ndaj atyre të argëtimit  për verifikimin e dokumentacionit dhe zbatimin e rregullave të lundrimit.    

Nga 132 mjete lundruese të kontrolluara gjatë ditëve të fundit, nga Ksamili në Sarandë, 41 rezultuan në paligjshmëri   

Bllokohen 41 mjete lundruese (7 Jet Ski, 34 gomone dhe skafe).  

Drejtuesit e këtyre mjeteve lundruese u ndëshkuan për shkeljet si vijojnë:  

3 për shkelje të perimetrit të sigurisë - masa administrative 100 000 lekë secili;

2 për tejkalim të numrit të personave që lejohen në bord - masa administrative 30 000 lekë secili; 

1 për ushtrim të aktivitetit pa licencë - masa administrative 100 000 lekë;   

1 për mosregjistrim të pronësisë mbi mjetin lundrues - masa administrative 20 000 lekë;

34 për mungesë të dokumentacionit në bord - masa administrative 10 000 lekë secili.

Policia Kufitare e Vlorës apelon për pronarët dhe për përdoruesit e mjeteve lundruese, për respektimin e perimetrit të sigurisë së pushuesve në plazhe, për zbatim me korrektesë të kërkesave ligjore për daljen në det dhe për pajisjen me dokumentacionin përkatës. 

Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, në të gjithë vijën bregdetare. 

Ftojmë qytetarët që të denoncojnë në numrin pa pagesë 112, çdo rast paligjshmërie, duke iu garantuar anonimat, reagim të shpejtë dhe profesional.

 

 

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera