Vrasja e 14-vjeçait, Martin Cani në shkollën “Fan Noli” nga bashkëmoshatari i tij, nxori në pah probleme të mprehta sociale, siç është mungesa e sigurisë në shkolla, përdorimi i thikave nga adoleshentët. Opozita dhe shoqëria civile kërkojnë dorëheqjen e ministres së Arsmit ndërsa Qeveria përmes institucioneve të varësisë, po kërkon të përçojë mesazhe bashkëpunimi mes komunitetit të prindërve dhe shkollave. Në dy aktivitete të ndryshme organizuar paraditen e sotme në Lezhë bie në sy pjesëmarrja e nxënësve që duhet të ishin në mësim!

Drejtoria Arsimore mblodhi fëmijët në Pallatin e Kulturës në një aktivitet sensibilizues me temë “Ki guxim t’u thuash Jo armëve”. Nxënës nga shkolla 9-vjeçare “Besëlidhja”, Gjimnazi “Hydajet Lezha” dhe Shkolla e Mesme Profesionale “Kolin Gjoka” sollën mesazhe të forta kundër armëve përmes muzikës, dramës, monologut dhe performancave artistike. Në aktivitet morën pjesë Elson Frroku n/kryetar i Bashkise Lezhë, Taulant Gjoka, zv/drejtor i policisë, Hasan Muça drejtor i Drejtorisë Arsimore të Lezhës.  

Ndryshe, aktivistët e shoqërisë civile dhe anëtarë të PD-së kanë zgjedhur që sensibilizimin ta bëjnë në sheshin e qytetit. Një grup nxënësish bashkë me aktivistët, me pankarta në duar thanë se në Lezhë ka probleme të shumta sa i përket sigurisë dhe infrastrukturës në institucionet arsimore. Protesta u drejtua nga Besmira Leka e qendrës “Hana” dhe këshilltarja e Partisë Demokratike Alfrida Marku. Ato kërkuan nga insitucionet të reflektojnë dhe të ofrojnë kushte dhe siguri në shkolla.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera