Policia e Shtetit ka përgatitur një paketë të re ligjore për sigurinë në rrugë, duke u treguar akoma më e ashpër ndaj shoferëve. Report Tv mësoi se paketa e re parashikon rritjen e gjobave për të gjithë ata që kapen duke lëvizur me shpejtësi mbi normën e lejuar.

Gjithashtu, një ndëshkim i rëndë i pret edhe të gjithë shoferët që ‘harrojnë’ timonin dhe përqendrohen te celulari i tyre. Gjoba për përdorimin e celularit në timon do të 10-fishohet.

Kjo është një nismë e re e policisë, që ka për qëllim ndërgjegjësimin e shoferëve, duke ju treguar atyre rregullat që duhet të zbatojnë gjatë lëvizjes në rrugë, për të shmangur aksidentet dhe ngjarjet tragjike me jetë njerëzish. 

d.c./shqiptarja.com