Siguria ushqimore është një çështje aktuale e shoqërisë sonë që ngre shqetësim në shtëpinë e çdo shqiptari. Produktet që konsumojmë shpeshherë janë të injektuara me pesticide dhe hormone, të dëmshme për shëndetin.
Autoriteti Kombëtar i Ushqimit, vetëm gjatë 6 mujorit të parë të 2019-tës ka bllokuar 59 biznese, për shkak të kushteve të papërshtatshme apo mos disponimit të licencës. Kështu është shprehur për kamerën e Report TV, Mariglen Menkshi, specialistë në AKU.
“Në 6 mujorin e parë të vitit 2019, Autoriteti Kombëtar i Ushqimit, ka bllokuar 59 biznese të cilat operonin në kushte të papërshtatshme higjeno-sanitare ose duke mosdisponuar licencën përkatëse. Vetëm në sezonin turistik, kur është rritur dhe numri i inspektimeve dhe në bazë të planit turistik të miratuar nga Autoriteti Kombëtar i Ushqimit, janë bllokuar 10 biznese të cilat operonin në kushte të papërshtatshme dhe nuk dispononin licencën përkatëse”- u shpreh specialisti.
Rrugëve të Tiranës shohim shitës ambulantë, të cilët në trotuare, apo cepa rrugësh shesin perime apo fruta te ndryshme. Po sa të sigurta janë këto ushqime që qytetarët blejnë dhe konsumojnë, ku pluhuri rrugës dhe ndotja i rrethojnë?
Të pyetur nga Report Tv qytetarët shprehen mjaftë të shqetësuar për këtë fakt.
"Asnjë lloj sigurie nuk ka, përderisa prodhohen kështu pa kontroll, pa gjë, cfarë siguri ke" shprehet një qytetarë.
"Mesa dëgjojmë, me sa shohim, nuk janë të sigurta fare. Shiko pataten, shiko mishin,asgjë, qumështin." thotë një tjetër.
"-Fare të sigurta."
"-Jo, jo shumë të sigurta."
Ndërsa një qytetar tjetër thotë: Nuk kemi siguri, vetëm e marrim e hamë dhe prej ushqimeve janë shtuar sëmundjet janë shtuar të gjitha.
-Nuk janë shumë të sigurta- "u shprehën disa prej qytetarëve
Rreziku i ushqimeve që shiten në rrugë dhe qytetarët shpeshherë detyrohen ti blejnë, është I pranishëm gjatë gjithë vitit, por gjatë periudhës së verës edhe nën efektin e nxehtësisë ky rrezik rritet më shumë.
Lajme të tjera
-
Gazetari ‘influencer’ ngriti alarmin për prodhime bujqësore me helm, Braçe: Dy kompanitë që tregtuan 'lodrat kineze' u zhdukën! Morët ca para për të dëmtuar bujqit
29 Gusht, 19:55 -
AKU tërheq nga tregu djath mozzarella me datë të skaduar dhe vezë të lëngshme me salmonelë
1 Gusht, 15:00 -
Copa metali tek 'Milka Biscotti', AKU: S’ ka prezencë të këtij produkti në magazinë dhe as në raftet e shitjes
23 Korrik, 16:24 -
U konsumua 13.2 ton akullore me përbërje kancerogjene, reagon AKU: Brenda 7 ditësh u tërhoq e gjithë sasia nga tregu
17 Korrik, 16:56 -
SAFIAL, projekti që sjell siguri ushqimore në Shqipëri! Investimi 2.4 mln € nga Italia
7 Qershor, 18:07 -
Tiranë, shisnin produkte ushqimore pranë shkollave, gjobiten 4 persona
18 Mars, 13:34 -
Tentoi të korruptonte drejtorin e AKU-së në Tiranë, arrestohet pronari i një baxhoje në Durrës
22 Shkurt, 13:24 -
AKU kontrolle në Durrës, Korçë e Fier, 300 mijë lekë gjobë për 3 biznese
28 Dhjetor 2023, 10:44 -
AKU kontrolle në Fier, marketi me ushqime të skaduara! Shkelje edhe një subjekt në Korçë
26 Dhjetor 2023, 10:10 -
AKU masa ndëshkuese për ushqim të pasigurt, bllokohet qumësht dhe nënprodukte të tij në Kukës, Elbasan dhe Durrës
19 Dhjetor 2023, 10:57 -
Kastravecat me pesticide në Lushnjë, Gjermania kthen 24 tonë! AKU: Do asgjësohen
24 Nëntor 2023, 17:28 -
Ishin me miza! AKU bllokon dhjetëra pako me miell dhe oriz në Durrës
9 Nëntor 2023, 20:28
