VLORË- Policia e Vlorës ka arrestuar sot (25 Janar) një 36-vjeçar që akuzohet si i i implikuar në atentatin ku humbi jetën Kristian Marku allias Kristian Bardhi, ngjarje e ndodhur më 13 janar të këtij viti.
I arrestuari është Erald Cenaj, me origjinë nga Kukësi. Kurse autorët e këtij atentati janë ende në arrati.
Burime zyrtare bënë me dije se nga hetimet aktive u arrit të dokumentohej se automjeti i përdorur nga autori/ët për vrasjen e Markut është siguruar nga 36-vjeçari Erald Cenaj lindur dhe banues në qytetin e Kukësit. Dyshohet se 36-vjeçari nga Kukësi e kishte sjellë Volkswagen Golf nga jashtë, pasi nuk rezulton e regjistruar në Shqipëri. Ndaj tij është ngritur akuza ‘e sigurimit të kushteve dhe mjeteve për të kryer vrasje’.
"Në vijim të veprimeve intensive nga specialistët e Sektorit për Hetimin e Krimeve të Rënda në DVP Vlorë, u bë ndalimi i shtetasit Erald Cenaj 36 vjeç, lindur dhe banues në Kukës, i dyshuar për veprën penale “sigurimi i kushteve dhe mjeteve materiale për të kryer vrasje”. Nga tërësia e veprimeve hetimore të kryera deri tani nga specialistët për Hetimin e Krimeve të Rënda në DVP Vlorë, nën drejtimin e prokurorit të çështjes, u arrit të dokumentohej se automjeti i përdorur nga autori/ët për vrasjen e shtetasit Kristian Marku alias Kristian Bardhi është siguruar nga shtetasi Erald Cenaj", njofton policia vendore.
Gjithashtu gjatë periudhës hetimore gati dyjavore konfirmohet janë kryer veprime dhe sekuestruar prova që i shërbejnë hetimit me qëllim zbardhjen e ngjarjes.
"Në bashkëpunim të ngushtë me Departamentin e Policisë Kriminale në Drejtorinë e Përgjithshme të Policisë së Shtetit dhe Prokurorinë e Juridiksionit të Përgjithshëm Vlorë, vijojnë veprimet e thelluara hetimore për zbardhjen e plotë të ngjarjes, identifikimin dhe kapjen e autorit/ëve", sqaron policia.
Krimi ndodhi në autostradën Fier-Vlorë, ndërsa 30-vjeçari u ekzekutua me pistoletë tip “Glock” përballë një karburanti, në afërsi të fshatit Novoselë. Nga të paktën 10 të shtëna drejt tij, Marku është prekur nga vetëm 2 predha, të cilat kanë qenë fatale. Viktima po udhëtonte nga Fieri në Vlorë me makinën e tij tip “Passat” me targa “AB 107 PN”, ndërkohë që paralel me të, nga krahu i djathtë i pasagjerit, është afruar një makinë tip “Golf”, nga ku është shtënë disa herë me pistoletë drej tij.
Kristian Marku alias Kristi Bardhi është nga Mirdita dhe rezulton të jetë nipi i Martin Bardhit të vrarë në Rrëshen, në shtator të vitit 2023. 30-vjeçari dyshohet të jetë autor në ngjarjen e datës 26 Mars 2023, rreth orës 19:00, të ndodhur në Rrëshen, ku pati të shtëna me armë zjarri në drejtim të Saimir Reçit.
Motivi i ngjarjes besohet të jetë saga e hakmarrjes mes dy fiseve në Rrëshen të Mirditës, e nisur prej një dekade dhe me të paktën 7 viktima deri tani.
Komente
Lajme të tjera
-
Tufat e deleve po pakësohen në lumin e Vlorës! Jeta e vështirë e blegtorëve: S’kemi mbështetje, më shtrenjtë uji se qumështi
26 Janar, 16:31
-
Dyshohet se ngacmoi seksualisht një të mitur, arrestohet 71 vjeçari në Sarandë
26 Janar, 15:00 -
Shisnin kokainë dhe kanabis në qytetin e Vlorës, 2 të arrestuar
26 Janar, 12:50 -
Delvinë/ 38-vjeçari plagoset me thikë pas një sherri në lokal, në pranga autori (EMRAT)
25 Janar, 11:16 -
Primaret/ Dorëhiqet kryetarja e degës së Himarës: Sipas udhëzimit të partisë, mora vendimin të konkurroj! Kjo, e vetmja rrugë
24 Janar, 15:14 -
Vlorë/ Kontrolle në një banesë në lagjen '10 Korriku', policia gjen një pistoletë me silenciator dhe 24 fishekë! Shpallet në kërkim 46-vjeçari (EMRI)
24 Janar, 10:34 -
Vlorë/ Pa rroga që prej muajit Dhjetor, 150 punonjës të fasonerisë hidhen në protestë: Edhe Zyra e Punës s’na dha zgjidhje, do e vijojmë pa afat!
23 Janar, 16:51
-
Të maskuar me kapuça, vidhnin makina dhe dyqane, arrestohen 3 ‘skifterët’ e Vlorës (EMRAT+VIDEO)
23 Janar, 12:15 -
Aksident në autostradën Vlorë-Fier, makina del nga rruga, plagosen 4 persona
23 Janar, 11:21 -
Si të mbroheni nga Gripi A H1N1, lë pasoja në mushkëri! Flasin për Report TV mjekë dhe epidemiologë: Urgjencat janë plot me të sëmurë, duhet të izoloheni 3 ditë
22 Janar, 14:13
-
Projektet/ ‘Rijetëzim për turizëm’, do bëhet Hotel vila 8100 m2 ku pushonte Enver Hoxha në Velipojë! Privatit dhe rezidencat qeveritare në Vlorë
21 Janar, 17:46 -
Zgjedhjet e 11 majit/ KQZ tregon se sa të mbyllura do të jenë listat: Për çdo parti, 46 deputetët e parë janë të fiksuar
21 Janar, 17:09
Kush eshte ky i porshit mor taj?
Përgjigjupo ate qe bredh me porsh neper vlor pse nuk e arestoni se ai ka ber disa vrasje apo ka dashnore deputeten ai dhe mik ulsi manjen e nuk ua mban
PërgjigjuKush esht ky I vlla?