Zëvendëskryeministri i Britanisë së Madhe, Dominic Raab dha dorëheqjen të premten pas akuzave të bëra ndaj tij për ngacmim seksual të nënpunësve civilë.
Njoftimi i Raab erdhi një ditë pasi kryeministri Rishi Sunak mori gjetjet e një hetimi për tetë ankesa zyrtare se Raab, i cili është gjithashtu sekretar i drejtësisë, kishte abuzuar me anëtarët e stafit gjatë një mandati të mëparshëm në atë zyrë dhe ndërsa shërbente si sekretar i jashtëm i Britanisë dhe Sekretari i Brexit.
Avokati Adam Tolley, i cili kreu hetimin, tha se Raab veproi në një mënyrë që ishte frikësuese dhe vazhdimisht agresive" dhe përfshinte elementë ndëshkues në stilin e tij të udhëheqjes.
![](https://shqiptarja.com/template/img/NO_ALFA_Kuadrate shqiptarja.png)
"Sjellja e tij përfshinte gjithashtu një abuzim ose keqpërdorim të pushtetit në një mënyrë që poshtëron individët e prekur" shkroi Tolley në raportin prej 48 faqesh.
Raab, 49 vjeç, mohoi pretendimet se ai nënçmoi stafin e tij dhe tha se sillej profesionalisht në çdo kohë, por tha se do të jepte dorëheqjen sepse kishte premtuar se do ta bënte këtë nëse ankesat për ngacmim vërtetoheshin.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)