Mbrëmja e 13 Marsit nis me ndezjen e zjarreve dhe vazhdon gjatë gjithë ditës së nesërme, me 14 Mars, datë që konsiderohet si ndarje me dimrin.
Në qytetin e Beratit dhe në fshatrat përreth, tradicionalisht ndizen zjarre me dru të vjetër apo shkurre si paralajmërim për Ditën e Verës. Por ky ritual prej vitesh e ka humbur traditën, pasi për ndezjen e zjarreve nga fëmijët po përdoren goma makinash. Dhjetëra goma u dogjën këtë mbrëmje pranë zonës në brigjet e lumit Osum por edhe në mes të rrugës nacionale Berat-Dimal. Flaka dhe tymi në mes të rrugës u ka shkaktuar probleme drejtuesve të mjeteve. Djegia e gomave të makinave solli një ndotje masive të ambientit dhe rrezik serioz për automjetet që kalonin përgjatë rrugës nacionale.
Reparti i zjarrfikësve ka qenë në gatishmëri duke shuar zjarret në disa zona dhe neutralizuar dhe pastruar djegien e gomave në rrugën nacionale.
![](https://shqiptarja.com/template/img/NO_ALFA_Kuadrate shqiptarja.png)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ju lumtë.. E treguar veten dhe në festë. Kremtuat një festë të natyrës duke e dëmtuar Atë.. ptu njerëz injorantë
Përgjigju