POP 5

Lajmet më të lexuara të 5 minutave të fundit

Arkiva

Sindikata:Të shpëtojmë Policinë
nga rrënimi në 23 qersho

Sindikata e Shërbimeve Policore të Shqipërisë i bën thirrje OSBE/ODHIR të denoncojë e pengojë drejtorin e Përgjithshëm të Burgjeve, Gazmend Dibra, i cili në mënyrë të përsëritur "pa pyetur për ligj dhe as për rekomandimet e BE, vazhdon të bëjë të tjera shkelje elektorale."
TIRANË - "Kjo mazhorancë, e përfaqësuar nga nr .20 i listës së Tiranës, drejtori i burgjeve, Gazmend Dibra nuk pyet për ligj dhe as për rekomandimet e Bashkimit Europian ndaj, pas dy semestrave ngelës, të gjithë së bashku duhet ta ndëshkojmë më 23 qershor e të shpëtojmë Policinë Shqiptare nga rrënimi!". Këtë ka theksuar sot deklarata e Sindikatës së Shërbimeve Policore të Shqipërisë.

POLICIA, E DHUNUAR DHE ME ANALFABETË
Sindikata, e cila i është drejtuar e shqetësuar e dhe OSBE-ODHIR, ka theksuar "presionin verbal disavjeçar ndaj sindikatës tonë, mbledhja me forcë e policëve nëpër mitingjet e partisë “44”, deklarimi i votës familjare nëpër shtabet elektorale, dhënia e ndihmave në shkëmbim të votës, transferimi i antarëve të sindikatës, rekrutimi i policëve analfabetë në disa institucione e kanë kthyer Policinë e Burgjeve në viktimë të kandidatit - drejtor që, edhe pse i vetëdijshëm në shkeljen e ligjit vazhdon “Për-para” në rrugen e tij të anti-ligjit".

SHKELJET E TJERA TË GAZMEND DIBRËS
"Gazmend Dibra po bën të tjera shkelje elektorale të kundërligjshme". Drejtori i burgjeve dhe kandfidati për deputet në njësinë nr.7 në Tiranë është akuzuar sot nga Sindikata e Shërbimeve Policore të Shqipërisë, se me anë të shtabeve të tij elektorale po u bën presion policëve për deklarimin e votës së tyre familjare dhe ka nisur të shpërndajë nëpër burgjet e vendit një “akt-marrëveshje” mes tyre.
 
“Kjo situatë, vetëm disa ditë pas akuzave publike në media e pas 1 muaji denoncimi në Parlamentin Europian, shkelja e ligjit në Drejtorine e Burgjeve ka arritur kulmin”, thuhet në deklaratën e sindikatës. Dibra ndërkohë u denoncua publikisht edhe nga "Fiks Fare", se shperndante ushqime për banorët e njësisë 7 në këmbim të votës. 
         
Sindikata i bën thirrje Ministrisë së Punës, se nuk duhet të  pranojë asnjë “akt-marreveshje”, që bie ndesh me Kodin e Punës dhe vendimet e gjykatave shqiptare. Çdo marrëveshje e sigluar nga drejtori – kandidat  i burgjeve  është në kundërshtim me ligjin dhe pa vlerë juridike.
 
"I bëjmë thirrje vëzhguesve të ODHIR, OSBE, delegacionit të BE në Tiranë, Prokurorisë dhe Gjykatës së Tiranës, që në zbatim të ligjit të denoncojnë e pengojnë shkelësin e përsëritur Gazmend Dibra, drejtor-kandidat i burgjeve".
 
Sindikata garanton anëtarët e saj dhe gjithë policinë në burgje, rend, bashki, zjarrfikëse e security se Sindikata e Shërbimeve Policore do të dijë të mbrojë Dialogun Social e të drejtat ekonomike në këto shërbime.
 
Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03