Siria mes kaosit e gjakderdhjes
vetëm në një ditë 248 të vrarë

DAMASK- Vazhdon të jetë edhe më tragjike bilanci i përleshjeve në Siri mes forcave qeverisëse dhe rebelëve. Sipas vëzhgueve sirianë të të drejtave të njeriut vetëm gjatë ditës së djeshme në Siri kanë mbetur të vdekur 248 persona.

Vëzhguesi Sirian për të Drejtat e Njeriut me bazë në Britaninë e Madhe tha se kjo ishte dita me gjakderdhjen më të madhe gjatë kryengritjes 16 mujore kundër Presidentit Bashar al-Asad.

Gjëndja në vend vijon të jetë kaotike dhe e nderë kurse sipas BBC rebelët siriane kanë arritur të zotërojnë një pjesë të pikave kufitare me Turqinë dhe Irakun, duke i detyruar zyrtarët irakianë të mbyllnin kufirin me Sirinë.
Një zyrtar i Irakut i tha BBC se rebelët kanë në duar të gjitha pikat e kalimit kufitar në lindje të Sirisë. Ndërkohë në një përleshje të fundit raportohen për 20 ushtarë sirianë të vrarë së bashku me komandantin e tyre gjatë nje sulmi në një pikë kufitare në verilindje te vendit.

Qeveria e Irakut kërcënon se do të mbyllë kufijtë me Sirinë ndërsa raportohen irakene ka kercenuar se do mbylle kufirin e saj me Sirine nderkohe qe raportohet mbi mbylljen e pikekalimit te quajtur EBU.Nderkohe ne kufirin me Turqine gjithashtu rebelet thane se kane marre kontrollin e dy pikave kufitare te Bab it la Hae dhe Jarablus.Nderkohe gjendja ne Siri vijon te jete kaotike.
Ndërkaq, Shtetet e Bashkuara thonë se Këshilli i Sigurimit i Kombeve të Bashkuara ka dështuar pasi Rusia dhe Kina i vunë veton një rezolute për sanksione kundër Sirisë, nëse kjo e fundit nuk ndërpret dhunën. Rezoluta do të kishte zgjatur mandatin e vëzhguesve të Kombeve të Bashkuara në Siri. Ajo kërcënonte gjithashtu për sanksione kundër qeverisë së Asadit, nëse ky nuk do të ndalë përdorimin e armëve të rënda kundër kryengritësve dhe civilëve brenda 10 ditësh.
(sg/shqiptarja.com)