POP 5

Lajmet më të lexuara të 5 minutave të fundit

Ekonomi

Sistemi bankar, BSH synon krijimin e mundësive të reja për pagesat e klientëve

Shqipëria, me nivel shumë të prapambetur në përdorimin e teknologjive
Sistemi bankar, BSH synon krijimin e mundësive të reja për pagesat e klientëve

Banka e Shqipërisë

Qytetarët shqiptarë do të kenë shërbime më cilësore pagesash si pasojë e angazhimit të Bankës së Shqipërisë në një projekt për dixhitalizimin e sistemit të pagesave. Duke prezantuar këtë nismë, guvernatori i BSH, Gent Sejko, tha dje se zhvillimi i sigurt dhe efikas i sistemeve të pagesave përbën një objektiv shumë të rëndësishëm, jo vetëm në mbështetje të zbatimit të politikës monetare dhe ruajtjes së stabilitetit financiar, por edhe si një mjet i rëndësishëm për një zhvillim ekonomik të formalizuar dhe të qëndrueshëm. Ai tha se synim parësor në këtë drejtim është përdorimi i gjerë i instrumenteve të pagesave në përditshmërinë e qytetarëve. Kjo mënyrë e re zhvillimi kërkon identifikimin dhe plotësimin e nevojave edhe të komponentit më të vogël përbërës të ekonomisë – individit dhe biznesit, shtoi ai.

Tendencat

Shërbimet e pagesave janë sot një nga bizneset në lulëzim në nivel global. Ethet e pagesave kanë përfshirë gjigandë si Google dhe Apple, ndërsa gjithnjë e më shumë aktorë privatë po konkurrojnë sistemin financiar klasik në ofrimin e pagesave përmes kanaleve të zhvilluara teknologjike. Me gjithë zhvillimin e viteve të fundit, Shqipëria ngelet shumë e prapambetur në përdorimin e këtyre shërbimeve. Me qëllim ngushtimin e këtij hendeku dhe modernizimin e sistemeve të pagesave, Banka e Shqipërisë ka përgatitur një strategji afatmesme për këtë qëllim.

Në kushtet e tregut shqiptar, i cili karakterizohet nga një përfshirje dhe edukim financiar i ulët, si dhe shërbime të ofruara me kosto relativisht të larta, synimi i BSH do të jetë nxitja e sistemit bankar në ofrimin për qytetarët të shërbimeve lehtësisht të aksesueshme e me kosto efektive, duke mbështetur kështu objektivin e një përfshirjeje më të gjerë financiare. Nevoja për ndërhyrje në këtë drejtim bëhet më e rëndësishme dhe sfiduese, sidomos teksa përjetojmë zhvillime teknologjike të shpejta e gjithëpërfshirëse. Në kushtet kur shumica e aspekteve të jetës së përditshme po dixhitalizohen dhe automatizohen, modernizimi i sistemeve të pagesave bëhet edhe më i rëndësishëm.

Teknologjia

Risia që mendon të futë Banka e Shqipërisë ka të bëjë me atë që, klientët të mund të kryejnë pagesa nga llogaria e tyre bankare edhe përmes institucioneve të tjera financiare. Kjo do të bëjë që kompania e licensuar për shërbime pagesash të mund ofrojë shërbime financiare, mbështetur në infrastrukturën dhe të dhënat e bankave.

Bazuar në studimet dhe analizat e kryera nga Banka e Shqipërisë me mbështetjen e Bankës Botërore, evidentohet qartazi se promovimi i dixhitalizimit dhe inovacionit në tregun e pagesave ndikon ndjeshëm në uljen e kostove të mbartura nga këto instrumente, duke krijuar shërbime lehtësisht të aksesueshme dhe të përballueshme nga të gjithë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34