Që prej ditës së djeshme në një prej bankave të nivelit të dytë në vendin tonë, BKT, ka rënë i gjithë sistemi dixhital i shërbimeve. Ky problem serioz, që sipas bankës ka të bëjë me një defekt në hardware (server) ka sjellë një ngadalësim të madh operativiteti. Kanë dalë jashtë funksionit shërbime të tilla si ATM-të, POS-et, kanalet digjitale dhe transaksionet e degëve. Duhet thënë që nuk ka asnjë rrezik për të gjithë ata që kanë llogari bankare. Bëhet fjalë për shërbimet.
Edhe pse BKT ka deklaruar se problemi tashmë është zgjidhur dh ebëhet fjalë për një defekt në server nuk duhet neglizhuar dhe nuk duhet nënvlerësuar kurrsesi që mund të ketë edhe një sulm nga jashtë. Problemet në sistemin e serverave janë të tilla që zgjidhen brenda pak orëve. Jetojmë në një epokë kur sulme të tilla nga hackers janë të përditshme. BKT është një bankë me pronar turq dhe rreziku mund të vijë edhe nga sulme që nuk kanë lidhje me Shqipërinë.
Sigurisht që kjo nuk do të thotë apriori se kemi të bëjmë me një sulm të tillë të rrezikshëm por vigjilenca në të tilla raste duhet në maksimum sepse kemi të bëjmë me çështje të sigurisë financiare.
Të tilla ngjarje trajtohen me prioritet në vende të tjera. Vetëm në dy ditët e fundit Prokuroria e Romës ka hapur një hetim për një sulm kibernetik që goditi qendrën e përpunimit të të dhënave në Rajonin e Lacios dhe për më tepër çështja i kaloi prokurorëve të antiterrorist dhe agjentëve të krimeve informatike. Autoritetet atje dyshojnë shumë për sulme terroriste. Mediat italiane raportojnë se origjina e sulmeve kibernetike mund të jetë Europa lindore ose Rusia. Hakerat u futën në sistemin e brendshëm të shëndetësisë në rajonin e Lacios përmes të dhënave të një administrator dhe aktivizuar një virus që bllokoi të dhënat. Autoritetet italiane i druhen një përsëritje të mundshme të sulmeve të tilla edhe në rajonet e tjera dhe po ndërmarrin masa për të parandaluar diçka të tillë.
Problemi i madh i aksesimit të shërbimeve pasi ra i gjithë sistemi dixhital i BKT-së sipas zyrave të kësaj banke është zgjidhur. Banka njoftoi rreth mesditës se ka pasur një problem teknik dhe tashmë është zgjidhur.
“Problemi hardware që shkaktoi një ndërprerje afatshkurtër në sistemin tonë bankar është zgjidhur. ATM -të dhe POS-et tona kanë filluar të shërbejnë, kanalet tona digjitale dhe transaksionet e degëve do të vihen gradualisht në shërbim sot rreth orës 11 të mëngjesit pas kontrolleve përfundimtare që do të kryhen. I gjithë ekipi ynë po punon me përkushtimin e zakonshëm për t’ju shërbyer sa më mirë”.
Për këtë problematikë ka reaguar edhe Banka e Shqipërisë, e cila shprehet se është informuar mbi situatëndhe ekipi i mbikëqyrjes së saj ka marrë dhe mbajtur kontakt të vazhdueshëm me bankën përgjatë gjithë kohës.
"BSH do te vijoje te mbetet ne mbikëqyrje te pandërprerë te situatës, deri ne zgjidhjen përfundimtare të saj”, kanë thënë nga Banka e Shqipërisë për shqiptarja.com.
Komente
Lajme të tjera
-
Sulm kibernetik në objektet bërthamore, Irani: E paprecedentë! Është vjedhur sasi e madhe informacioni
12 Tetor, 15:05 -
Italia dhe Shqipëria nënshkruajnë marrëveshjen për bashkëpunim në fushën e sigurisë kibernetike
26 Shtator, 22:06 -
Kompania Meta bllokon në WhatsApp hakerët e lidhur me Iranin
24 Gusht, 13:51 -
Sulm kibernetik ndaj fushatës së republikanit Donald Trump
11 Gusht, 15:50 -
Urdhri i Policisë së Shtetit për të gjitha strukturat: Fikni kompjuterët, dyshohet për sulm kibernetik! Faqja online e paaksesushme
28 Qershor, 12:17 -
Sulmi kibernetik nga hakerat iranianë, rikthehet në funksion të plotë faqja e INSTAT
4 Shkurt, 11:05 -
Hakerat rusë vijojnë sulmin ndaj faqes online të Shqiptarja.com dhe Report Tv për të bllokuar përcjelljen e informacionit
15 Tetor 2023, 22:00 -
Faqja zyrtare e familjes mbretërore ‘shënjestër’ e një sulmi kibernetik, hakerat rusë marrin përgjegjësinë
3 Tetor 2023, 09:18 -
Kanadaja paralajmëron për sulme kibernetike gjatë vizitës së Zelensky-t
22 Shtator 2023, 18:13 -
Kujdes! Policia thirrje qytetarëve: Disa faqe online me produkte për udhëtime vjedhin të dhënat tuaja! Verifikoni profilet para se të rezervoni
30 Korrik 2023, 14:24 -
Hakeroi gjigantët e teknologjisë dhe nxori pamje nga video-loja GTA 6, 18-vjeçari që ‘trazoi’ rrjetin është shqiptar
16 Korrik 2023, 19:57 -
Hackerat sulmojnë Shqiptarja.com për të bllokuar informacionin! Faqja për pak kohë jashtë shërbimit! Tentativa e dytë brenda 24 orëve
23 Maj 2023, 11:29
Pervecse ruseve qe jane mjeshtra te hakerimit ne te gjithe globin askush tjeter.
PërgjigjuLe te shohim pas raportinit te bkt nese kjo foto do ndryshohet apo jo
PërgjigjuTurpi i zotit në 2021 në temperaturë 40 gradë dhe nuk nxjerrin një njoftim tek ATM na bajnë të vërdallosemi kot nëpër këtë qarkullim!!
PërgjigjuPo, vella... TURP eshte! Fakti qe banka ka probleme teknike, ndoshta si pasoj e sulmeve kibernetike, eshte tregues qe Shqiperia ka marre fund. Keto gjera nuk ndodhin askund tjeter. Ketu ku banoj une, s'ke fare nevoj as te shkosh deri te ATM sepse parate m'i sjell ne shtepi nje engjell kur i kerkoj me telepati. Ikni nga ai vend i mallkuar! Aahhh sa gjynah qe me vjen per Shqiperin, por eshte fakt i kryer qe populli shqiptar eshte rrace e poshter dhe shkaterrimi i Shqiperise eshte i pashmangshem. Ikni, shpetoni veten.