POP 5

Lajmet më të lexuara të 5 minutave të fundit

Ekonomi

Sistemi energjetik, PS: humbjet
në rrjet 45 %, CEZ vuri rekord

Pas denoncimeve të djeshme se qeveria i ka fshehur publikut dhe Kuvendit informacione të rëndësishme në lidhje me kontratën e privatizimit të OSSH-së, deputeti socialist Arben Ahmetaj bëri sot transparente sot humbjet në rrjetin energjetik. Ahmetaj: Pas 1964 CEZ vuri rekord të ri
TIRANE- Partia Socialiste deklaroi sot se privatizimi i OSSH-së është fillesa e krizës dhe e kolapsit në të cilën ndodhet sot sistemi energjetik. Pas denoncimeve të djeshme se qeveria i ka fshehur publikut dhe Kuvendit informacione të rëndësishme në lidhje me kontratën e privatizimit të OSSH-së, deputeti socialist Arben Ahmetaj bëri sot transparente sot humbjet në rrjetin energjetik.  Sipas PS-se qeveria nuk ka monitoruar CEZ e cila në vend të zvogëlonte humbjet i rriti ato.

“Kompania CEZ ka pasur detyrimin ligjor që brenda një periudhe 6 vjeçare të ulë humbjet gjysmë për gjysmë. Deri në fund të 2014-tës, ishte parashikuar të ulte në 15% humbjet, por ajo që ka ndodhur është se situata reale e humbjeve nga 2008- 2012 është 45% “- tha Ahmetaj duke bërë publike me grafikë dhe skenën. Deputeti socialist nënvizoi se “ Sot niveli i humbjeve është mesatarisht 45 %, rekord humbjesh që nga 1964”


Duke i përkthyer në shifra vetëm në vitin 2011 “humbja rezulton 149 milionë euro, ndërsa vetëm për pjesën e parë të 2012 humbja rezulton të jetë 100 milionë euro”- tha Ahmetaj duke e shtuar se kjo humbje në pjesën e parë të 2012 “është e barabartë me prodhimin e HEC të Fierzës” dhe humbjen, sipas Ahmetajt e paguajnë qyetarët në faturën e energjisë e cila që prej 2005 është rritur 200%.

Në ditët në vijim Ahmetaj premtoi se do të bëjë transparente politikën e çmimeve me pakicë, si ja ka ngarkuar qeveria e Republikës së Shqipërisë çmimet konsumatorit familjar, si dhe politikën e çmimeve nga KESH tek CEZ për ti treguar shqiptarëve sesi është shkatërruar qëllimisht KESH dhe si është favorizuar CEZ në kurriz të Korporatës Elektro Energjitike, Buxhetit të Shtetit dhe të gjithë qytetarëve shqiptar.

(sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi