POP 5

Lajmet më të lexuara të 5 minutave të fundit

Kronikë

Situata e zjarreve në vend, 31 vatra në 24 orë, vetëm 3 janë ende aktive! Ministri Vengu: Situata paraqitet më e qetë

Vijon beteja e Ushtrisë, Emergjencave dhe Policisë me flakët, më shumë se një zjarr në orë. Janë shuar 28 prej tyre, kush janë vatrat ende aktive

Situata e zjarreve në vend, 31 vatra në 24 orë, vetëm 3 janë ende aktive! Ministri Vengu: Situata paraqitet më e qetë

Forca të ushtrisë duke fikur një vatër zjarri

Ministria e Mbrojtjes dhe Emergjencat Civile duket se e kanë fituar betejën e 24 orëve të fundit me flakët në shkallë territori.

Nga 31 vatra zjarri, më shumë se një në orë, të rëna në vend, njoftohet se janë shkuar pjesa më e madhe e tyre dhe vetëm 3 janë ende aktive.

Lajmin e konfirmon edhe vetë ministri Pirro Vengu, në një postim të ditës së sotme në profilin e tij të rrjetit social Facebook.

“Pas shumë javësh betejë me zjarret që përfshinë shumë territore të vendit tonë, sot situata paraqitet më e qetë. Gjatë 24 orëve të fundit, nga 31 vatra zjarri të raportuara, 28 janë shuar plotësisht, ndërsa vetëm 3 vatra mbeten ende aktive”, njoftoi ai.

Efektivë të zjarrfikëses dhe ushtrisë, duke shuar flakët

Gjithashtu jepen detaje nga situata, teksa aktualisht, vatra në Arrën të bashkisë së Kukësit, ajo në Fushë Lugje të Mirditës dhe vatra në Buçaj të Shkodrës, janë të izoluara pa rrezik përhapjeje dhe po monitorohen për të shmangur çdo mundësi riaktivizimi.

“Mirënjohje për të gjitha strukturat operacionale, të Emergjencave Civile, që nga zjarrfikësit, efektivët e Forcave të Armatosura, Policinë, Shërbimin Pyjor, Zonat e Mbrojtura dhe vullnetarët për punën e palodhur dhe angazhimin maksimal”, shkruan ministri i sapoemëruar në detyrë.

Vengu thekson se “ka përkushtim të përbashkët”, që është “vendimtar edhe në minimizimin e dëmeve”.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Lajme të mira në punë...Çfarë parashikon horoskopi për ju sot

Lajme të mira në punë...Çfarë parashikon horoskopi për ju sot

26 Janar, 07:21