POP 5

Lajmet më të lexuara të 5 minutave të fundit

Kosova & Rajoni

Lajme nga emisionet

COVID në Kosovë, drejtori i Shërbimeve spitalore: Situata në spitale e rënduar, numri i të shtruarve më i larti që prej fillimit të pandemisë

Numri i pacientëve me COVID të shtruar në spital në Kosovë ka shkuar në 1250 dhe sipas Valbon Krasniqit, drejtor i Shërbimeve spitalore Kosovë, ky është numri më i lartë që prej fillimit të pandemisë. Për 'Report Tv' ai u shpreh se situata në spitale është e rënduar dhe se numri i lartë i infektimeve në një kohë të shkurtër, ka rënduar sistemin.

Kosova po përballet me një situatë të rëndë të pandemisë së COVID, ku prej javësh tashmë vendi ka regjistruar shifra të larta fatalitetesh dhe raste infeksionesh. Valbon Krasniqi, drejtor i Shërbimeve spitalore Kosovë, tha në një lidhje me Skype për Report TV se në spitale janë 1250 pacientë të shtruar. Sipas tij, kjo është shifra më e lartë e personave që kanë nevojë për kujdes spitalor si pasojë e COVID, që prej fillimit të pandemisë.

"Kemi 1250 pacientë të shtruar në spitale. Ky numër i lartë pacientësh të shtruar, me një numër të konsiderueshëm të pacientëve të rënduar, fatkeqësisht po përcillet edhe me një numër të lartë fatalitetesh. Aktualisht situata në spitale është e rënduar, jashtëzakonisht serioze, infektimet në kohë të shkurtër, ngarkon shumë sistemin shëndetësorë. Janë 7 spitale që po trajtojnë pacientët me COVID dhe po punohet për transformimin e spitaleve të tjera në spitale COVID. Ky është numri më i lartë i shtrimeve në spital që prej fillimit të pandemisë", tha ai.

Sipas Krasniqit, i lartë është edhe numri i pacientëve në gjendje të rëndë, ndërsa 90% e të shtruarve janë në oksigjenoterapi. Ai thekson se COVID nuk ka kursyer as të rinjtë e fëmijët. Qarkullimi  qytetarëve gjatë verës dhe varianti Delta, sipas mjekut janë dy faktorët që kanë ndikuar në përhapjen e vrullshme të COVID.

"Numri i pacientëve në gjendje të rëndë është i lartë, kemi 70 pacientë të shtruar në kujdesin intensiv. Edhe numri i pacientëve në oksigjenoterapi është shumë e lartë, janë mbi 90% e të shtruarve. Nuk janë kursyer as të rinjtë, fëmijët e gratë shtatzëna. Ne po përpiqemi të organizojmë të gjithë spitale për përballimin e situatës. Mosrespektimi i masave në mënyrë rigoroze paraqet risk për përhapjen e infeksionit. Ne në verë kishim një qarkullim të madh të qytetarëve, dasmat, kafeteritë, këto kanë ndikuar në përhapjen e madhe të rasteve, por nuk duhet harruar edhe Delta që ka një aftës shumë të madhe për t'u përhapur", u shpreh Krasniqi.

Në 24 orët e fundit në Kosovë u regjistrua një rekord i zi viktimash, 32 humbje jete, ndërsa numri i infeksioneve u rrit me 1612 raste të reja.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12