Situata me zjarret, Ministria e Mbrojtjes: Pak vatra të pashuara në veri të vendit, po punohet për izolimin e flakëve

 Ministria e Mbrojtjes ka reaguar në lidhje me situatën e zjarreve në vend. Mbrojtja bën me dije se zjarret janë shuar në pjesën më të madhe të vendit, ndërkohë që ka edhe pak vatra të pashuara. Zjarret aktive janë kryesisht në veri të vendit, në bashkinë e Lezhës, Mirditës, Kukësit si dhe të Pukës, ku po punohet për vënien nën kontroll të flakëve.

‘Në të gjithë vendin kanë mbetur pak vatra zjarri ende të pashuara, ndërsa tashmë është fituar beteja në Karaburun e Dukat. Të gjitha vatrat që ishin në fshatrat Thirrë, Munellë e Domgjon në bashkinë Mirditë janë shuar.

Mbetet ende një vatër në fshatin Patalej në bashkinë Lezhë, ku është angazhuar edhe një mjet helikopter për shuarjen e flakëve nga ajri. Por situata është nën kontroll.

LEXO EDHE:
Lezhë, myslimanë e katolikë bashkë në festën e 'Shën Markut'

Në Majën e Rrunës, në njësinë administrative Malzi të Kukësit situata është nën kontroll. Po punohet për shuarjen përfundimtare edhe të disa vatrave të vogla.

Është raportuar një vatër zjarri në zonën pyjore, në malin e Tërbunit në Pukë, ku janë angazhuar forcat e shërbimit pyjor, të zjarrfikëses, Agjencisë së Zonave të Mbrojtura dhe banorë të zonës për të vënë situatën nën kontroll.’- njofton Ministria e Mbrojtjes.

Lajmi kryesor:

2 barinj shkaktojnë zjarr në Gjirokastër, nga flakët shpërthejnë disa predha të Luftës së Dytë Botërore në Dropull e Memaliaj! Vatër masive në Lezhë dhe Lakun e Mollave, ndërhyhet nga ajri

M.Q./Shqiptarja.com

TAG:
• Kukes
• Gjirokaster
• Lezhe
• mirdite
• dropull
• zjarret ne vend
• odise kote
• ilmi lisha