Një zjarr me përmasa të mëdha është aktivizuar mesditen e sotme në fshatin Radat të Dropullit, ku janë djegur disa stalla bagëtish dhe kullota. Të dyshuarit për zjarrvënie janë dy barinj të zonës, ndërsa flakët janë përhapur me shpejtësi në zonën kufitare mes Shqipërisë dhe Greqisë. Ndërhyrja në kohë e zjarrfikësve ka bërë që të shmanget rreziku për banorët e fshatit dhe aktualisht flakët vijojnë të përpijnë masivin pyjor në drejtim të kufirit grek. Prefekti Odise Kote deklaroi për Report Tv se është kërkuar ndihmë nga shteti fqinj.
Mësohet se si pasojë e flakëve kanë shpërthyer dhe 10 predha të vjetra të Luftës së Dytë Botërore, por që nuk kanë shkaktuar dëme në njerëz. Në zonë mendohet se ka ende predha të tjera të pashpërthyera që rrezikojnë jetën e zjarrfikësve që po mundohen të shuajnë flakët.Po punojnë aktualisht për shuarjen e flakëve, 8 zjarrfikëse, 30 forca policore, 35 të ndërhyrjes së shpejte, 30 punëtorë të Bashkisë së Dropullit dhe disa vullnetarë që janë banorë të zonave përreth.
Edhe pse shiu një ditë më parë fiku vatrat më të mëdha në Kukës, një vatër në zonën e njohur si Laku i Mollave vijon të jetë aktive dhe po përhapet për shkak të erës së fortë në zonë. Terreni i vështirë dhe i thepisur e bën të pamundur ndërhyrjen nga toka dhe ka nisur ndërhyrja nga ajri. Sakaq shiu dhe breshëri që përfshinë dje qarkun e Kukësit kanë ndihmuar në shuarjen e vatrave të zjarrit. Ilmi Lisha koordinator i Përgjithshëm i Prefekturës Kukës në një prononcim për media ka folur në lidhje me situatën aktuale të zjarreve në vend.
Lisha tha se në përgjithësi zjarret janë fikur, por në Lakun e Thive dhe në Lakun e Mollave ka disa mbetje zjarri, për të cilat po merr masat bashkia që të asgjësohet përfundimisht zjarri. Lisha tha se ende nuk kemi një bilanc përfundimtar të djegieve nga zjarri, por dëmet janë të konsiderueshme.
‘Në përgjithësi të gjitha zjarret janë fikur. Nga verifikimet që janë bërë në Lakun e Thive dhe Laku i Mollave ka disa mbetje zjarri, dhe po merren masat bashkia me forcat e veta për ta asgjësuar përfundimisht zjarrin. Bashkia ka çuar forcat për t’i izoluar. Nuk është e domosdoshme ndërhyrja nga ajri. Verifikimet vazhdojnë të bëhen, nuk kemi ende një bilanc përfundimtar, por besoj është djegur një sipërfaqe e konsiderueshme.’- tha Lisha.
Ndërkohë shiu i rënë ditën e djeshme ka bërë të mundur shuarjen e dy vatrave të zjarrit në Thirrë dhe Munellë të Bashkisë Mirditë. Vetëm një vatër aktive ka mbetur në fshatin Patalej të Bashkisë Lezhë, teksa ka nisur ndërhyrja nga ajri për të fikur zjarrin. Zjarrfikësit, ushtria dhe shërbimi pyjor vijojnë të jenë në terren për monitorimin e situatës dhe shuarjen e vatrës aktive.
Referuar bilancit paraprak të zjarreve për qarkun e Lezhës, deri më tani rreth 150 hektarë shkurre e kullota janë përfshirë nga flakët, ndërsa 80 hektarë janë djegur plotësisht. Dëmet më të madhe llogariten në Thirrë dhe Munellë të Mirditës.
Një vatër zjarri është konstatuar mbi kurorën me pisha në malin Partizan, menjëherë kanë mbërritur zjarrfikësit e Beratit ku kanë bërë të mundur vënien nën kontroll të vatrës së zjarrit. Kjo është zjarrvënia e qëllimshme e dytë për ditën e sotme. Nga ana e policisë po punohet për kapjen e autorit të zjarrvenies në kurorën me pisha në malin Partizan ku është dhe frymëmarrja e qytetit të Beratit.
Komisioni i Mbrojtjes Civile në Kukës ka bërë me dije se zjarri në Lakun e Thive dhe Lakun e Mollave është mbajtur nën kontroll ditën e sotme falë ndërhyrjes nga ajri. Megjithatë zjarri nuk është shuar dhe përsëri nevojitet ndërhyrja nga ajri.
“Megjithë punën e bërë nga forcat zjarrfikse të bashkisë Kukës dhe forcat e DMR-së Kukës për mbajtjen nën kontroll të saj. Si rezultat i ndërhyrjes me Helikopter u rivendos nën kontroll vatra e zjarrit duke i ullur intensitetin zjarrit.
Terreni është shumë i vështirë për të ndërhyrë me forca tokësore, prandaj është e domosdoshme dhe një ndërhyrjes tjetër nga ajri. Helikopteri sot bëri 6 hedhje me ujë.Nga Prefektura Kukes eshte bere kerkese per nderhyrje perseri nga ajri per nesër”, thuhet në njoftim.
Një zjarr i është vënë një sipërfaqeje toke pranë ish Uzinës së Baterive në Berat. Zjarri i qëllimshëm është favorizuar nga era e fortë, duke u përhapur në një sipërfaqe të madhe, aq sa ka hyrë edhe në një parcelë të mbjellë me ullinj.
Flakët kanë rrezikuar edhe banesat aty pranë, por fatmirësisht zjarrfikësja ka ndërhyrë në kohë duke i vënë nën kontroll.
Policia vijon hetimet për kapjen e piromanit, që për pak desh i vuri flakën banesave të zonës.
Vatra e zjarrit në zonën e njohur si Laku i Mollave në Kukës po përhapet për shkak të erës së fortë në zonë. Edhe pse shiu një ditë më parë fiku vatrat më të mëdha në Kukës, kjo vatër vijon të jetë aktive, ndërsa po përkeqësohet për shkak të erës.
Terreni i vështirë dhe i thepisur e bën të pamundur ndërhyrjen nga toka dhe ka nisur ndërhyrja nga ajri.
Aktivizohet një vatër zjarri në fshatin Memaliaj, pjesë e bashkisë Memaliaj. Në vendngjarje kanë shkuar zjarrfikëset, por terreni është mjaf i vështirë. Po punohet për mbajtjen larg të flakëve nga banesat ndërsa ka patur edhe shpërthim të municioneve luftarake.
Prefekti i Gjirokastrës Odise Kote në një intervistë për Report TV ka dhënë detaje për situatën në të cilën ndodhet fshatin Radat i cili është përfshirë në flakë ditën e sotme. Kote tha se kanë njoftuar ambasadën dhe konsullatën greke në Gjirokastër pasi zjarri është afër kufirit shtetëror. Për shuarjen e flakëve Kote thekson se kanë kërkuar helikopter pasi terreni është shumë i vështirë.
“Jemi duke ndjekur nga afër operacionin në fshatin Radat. Kemi organizuar të gjitha forcat e prefekturës së qarkut Gjirokastër. Eshte duke ardhur dhe zjarrfikësja e bashkisë Përmet. I kemi bërë njoftim sipas kërkesës së bashkisë Dropull ministrisë së mbrojtjes dhe drejtorisë së përgjithshme të emergjencave që të dërgojnë helikopter. Kemi njoftuar ambasadën Greke dhe konsullatën greke në Gjirokastër pasi zjarri është mbi fshatin Radat, përafërsisht në kufirin shtetëror. Kemi marrë masa për të ruajtur banesat dhe për të shmangur zjarrin nga këto banesa. Po përpiqemi me të gjitha mënyrat që të shuajmë zjarrin. Terreni është malor. Është një rrezik shumë i madh për shkak të terrenit malor. Jemi shumë afër majës së malit.Maja e malit mështë dhe kufiri që ndan 2 vendet”, tha Kote.
Nuk ka më rrezik për banesat në fshatin Radat të Dropullit në Gjirokastër. Pas ndërhyrjes së madhe të zjarrfikësve dhe banorëve të zonës është shmangur rreziku i madh për zonën e banuar flakët janë në një tjetër drejtim.
Gazetari i Report Tv Piro Nase raporton se 7 ose 8 predha kanë shpërthyer nga flakët që kanë rrezikuar jetën e atyre që ishin në luftë me flakët.
Predhat dyshohet se kanë qenë të trashëguara nga Lufta e Dytë Botërore.
Situata paraqitet shumë kritike në fshatin Radat në Dropull me flakët. Zjarri ka përfshirë tashmë edhe zonën e banuar. Zjarrfikësit e Dropullit, Libohovës dhe Gjirokastrës po luftojnë me flakët për të shuar dhe neutralizuar zjarrin. Po ashtu në vendngjarje kanë mbërritur edhe forcat e policisë.
Ministria e Mbrojtjes ka reaguar në lidhje me situatën e zjarreve në vend. Mbrojtja bën me dije se zjarret janë shuar në pjesën më të madhe të vendit, ndërkohë që ka edhe pak vatra të pashuara. Zjarret aktive janë kryesisht në veri të vendit, në bashkinë e Lezhës, Mirditës, Kukësit si dhe të Pukës, ku po punohet për vënien nën kontroll të flakëve.
‘Në të gjithë vendin kanë mbetur pak vatra zjarri ende të pashuara, ndërsa tashmë është fituar beteja në Karaburun e Dukat. Të gjitha vatrat që ishin në fshatrat Thirrë, Munellë e Domgjon në bashkinë Mirditë janë shuar.
Mbetet ende një vatër në fshatin Patalej në bashkinë Lezhë, ku është angazhuar edhe një mjet helikopter për shuarjen e flakëve nga ajri. Por situata është nën kontroll.
Në Majën e Rrunës, në njësinë administrative Malzi të Kukësit situata është nën kontroll. Po punohet për shuarjen përfundimtare edhe të disa vatrave të vogla.
Është raportuar një vatër zjarri në zonën pyjore, në malin e Tërbunit në Pukë, ku janë angazhuar forcat e shërbimit pyjor, të zjarrfikëses, Agjencisë së Zonave të Mbrojtura dhe banorë të zonës për të vënë situatën nën kontroll.’- njofton Ministria e Mbrojtjes.
Një vatër e madhe zjarri është konstatuar para pak minutash në fshatin Radat, bashkia Dropull, në kufi me Greqinë.
Mendohet se zjarri është vendosur nga dy barinj që po kullosnin bagëtitë. Menjëherë në vendngjarje kanë shkuar forcat e zjarrfikëses së Dropullit për të shuar vatrën e krijuar.
Nis ndërhyrja nga ajri për shuarjen e zjarrit në fshatin Patalej të Njësisë Administrative të Kolshit në Lezhë.
Një helikopter po hedh ujë për shuarjen e flakëve të cilët vijojnë prej rreth 1 jave, duke djegur sipërfaqe të mëdha me kullota e shkurre në këtë zonë.
Shiu që ka rënë ditën e djeshme ka shuar dy vatrat e zjarrit në Thirrë dhe Munellë të Bashkisë Mirditë. Sipas të dhënave zyrtare të Emergjencave Civile bëhet me dije se aktualisht është vetëm një vatër zjarri aktive në fshatin Patalej të Bashkisë Lezhë, pasi kjo zonë nuk është prekur nga reshjet. Në këtë zonë pritet që të ketë ndërhyrje nga ajri në mënyrë që të shuhet dhe kjo vatër.
Referuar bilancit paraprak të zjarreve për qarkun e Lezhës, deri më tani rreth 150 hektarë shkurre e kullota janë përfshirë nga flakët, ndërsa 80 hektarë janë djegur plotësisht. Dëmet më të madhe llogariten në Thirrë dhe Munellë të Miditës.
Komente
Lajme të tjera
-
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
Kukës/ Policia në terren: Ka prezencë bore në të gjitha akset rrugore, 2 segmente vështirësi në qarkullim! Mbahet e hapur ‘Rruga e Kombit’
23 Dhjetor, 15:49 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
O shtet l.shi pse nuk i zgerlaq kta piromanet???? Po zjarret pse u vonut aq shum me i fik???? Po ju o pirom.ta pse i vini zjarmin venit tuj apo ikni nGjermani masanej????Plehna jeni per burg te gjat se vdiqen nja dy nga zjarri qe u vu nga Gjinokastra..kriminela
Përgjigju