Talibanët dhe zyrtarët ushtarakë amerikanë kanë akuzuar njëri-tjetrin në median sociale, për veprime kundër vendosjes së paqes në Afganistanin e shkatërruar nga lufta.
Përplasjet në Twitter mes kundërshtarëve, vijnë ndërsa amerikanët dhe përfaqësuesit e grupit kryengritës janë të angazhuar prej një viti në dialog, në një përpjekje për t'i dhënë fund konfliktit. Por bisedimet nuk kanë rezultuar në ndalimin apo zbutjen e veprimeve luftarake të talebanëve në fushë-betejë. Vetëm gjatë ditëve të fundit si pasojë e përplasjeve vdekjeprurëse mes kryengritësve talebanë dhe forcave afgane të sigurisë të mbështetura nga Shtetet e Bashkuara, janë vrarë e plagosur me qindra persona, përfshirë edhe civilë.
Zëdhënësi i talibanëve Zabihullah Mujahid, shkruante në twitter se “Uashingtoni dhe jo grupi i tij, është kundër përpjekjeve për paqe”. Ai përsëriti qëndrimin tradicional të talebanëve se ndërhyrja ushtarake amerikane në Afganistan është përgjegjëse për luftën 17-vjeçare.
Postimi i tij në twitter ishte përgjigje ndaj një komenti që kishte bërë më parë zëdhënësi i ushtrisë amerikane Kolonel Dave Butler. Ai shkruante se “talebanët po dëmtonin afganët që duan paqe në vend”.
Zëdhënësi i talibanëve i kërkonte zotit Butler të fliste vetëm në emër të amerikanëve dhe "të mendojë rreth mënyrave se si amerikanët t’i japin fund pushtimit të Afganistanit, në vend që të flasin në emër të tij”, siç shkruante ai.
Por zoti Butler u përgjigj duke shkruar se grupi taleban “ka mundësinë të ulë intensitetin e dhunës, por nuk po e bën këtë”. Talibanët shkruante ai “kanë zgjedhur të injorojnë vullnetin e popullit dhe të dëmtojnë vendin. Paqja është rruga e drejtë", shkruante ndër të tjera zëdhënësi i ushtrisë amerikane. VOA
Lajme të tjera
-
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Gjermania kritikohet për shqyrtimin e dëbimit të afganëve dhe sirianëve
20 Qershor, 18:42 -
Barka me emigrantë përmbyset në brigjet e Kalabrisë, flitet për 65 të zhdukur mes tyre 26 fëmijë
17 Qershor, 19:44 -
OKB: 1000 ditë prej kur talibanët ndaluan arsimin e mesëm për vajzat
13 Qershor, 22:11 -
Qindra të vdekur nga vërshimet në Afganistan
11 Maj, 12:55 -
Shtatë të vrarë nga sulmi në një xhami në Afganistan
30 Prill, 11:04 -
U shpërthen mina duke luajtur, vriten 9 fëmijë në Afganistan
1 Prill, 14:42 -
Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave
22 Shkurt, 15:35 -
Grave beqare dhe të pashoqëruara u mbyllen të gjitha dyert nën sundimin taleban
2 Shkurt, 08:08 -
Mianmari tejkalon Afganistanin për prodhimin e opiumit
12 Dhjetor 2023, 09:42 -
Më shumë se 400 persona u ndëshkuan me sheriat në Afganistan
1 Dhjetor 2023, 22:56
