POP 5

Lajmet më të lexuara të 5 minutave të fundit

Arkiva

Situata në Ukrainë, presidenti rus
kërcënon Perëndimin për gazin  

Europa i trembet vendimit të Rusisë për të ndërprerë furnizimin e gazit ndaj Ukrainës për shkak të faturave të papaguara të saj, çka mund të rrezikojë shpërndarjen e mëtejshme me gaz dhe të Europës, ndaj në pritje të dimrit ata po mundohen fort të arrijnë një marrëveshje. VIDEO
Presidenti rus Vladimir Putin dhe homologu ukrainas Petro Poroshenko u takuan me kancelaren gjermane Angela Merkel dhe presidentin francez Francoi Hollande në një takim të veçantë për të gjetur një zgjidhje për krizën në Ukrainë.

Katër liderët sëbashku me të tjerë këshilltarë u takuan në një ambient të veçuar nga Samiti midis Azisë dhe lidërve Europianë. Më herët gjatë ditës së sotme të katër liderët u takuan sëbashku me kryeministrin italian Matteo Renzi dhe kryeministrin britanik David Kamerun, për bisedime mbi zgjidhjen e krizës në Ukrainën Lindore.

Një zëdhënës i Kremlinit e përshkroi më pas këtë takim si të vështirë dhe me plot mosmarrëveshje, pavarsisht se Renzi e konsideroi kontruktiv, pavarsisht diferencave mes palëve. Perëndimi ka vendosur sanksione ndaj Rusisë për shkak të aneksimit të Krimesë herët gjatë këtij viti dhe për mbështetjen ndaj separatistëve në Ukrainën Lindore, duke risjellë gati një konflikt të Luftës së Ftohtë.

Europa i trembet vendimit të Rusisë për të ndërprerë furnizimin e gazit ndaj Ukrainës për shkak të faturave të papaguara të saj, çka mund të rrezikojë shpërndarjen e mëtejshme me gaz dhe të Europës, ndaj në pritje të dimrit ata po mundohen fort të arrijnë një marrëveshje.

Rusia është furnizuesi më i madh i gazit në Europë, duke plotësuar 1 të tretën e tregut dhe Bashkimi Europian merr gjysmën e gazit Rus nëpërmjet trasportit nga Ukraina.

Mosmarrëveshjet mes Moskës dhe Kievit për çmimin e gazit kanë qenë të shpeshta gjatë dekadës së fundit, por aktualisht tenstionet janë më të mëdha për shkak të Krizës në Ukrainën Lindore. Më shumë se 3,600 persona kanë humbur jetën gjatë luftimeve në këtë zonë, ku separatisët Rusë kërkojnë të formojnë shtetin e tyre.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40