Situata pas tërmetit, Meta takim me ekspertë dhe profesorë: Angazhohuni për të informuar dhe qetësuar opinionin publik

Situata pas tërmetit, Meta takim me ekspertë dhe profesorë: Angazhohuni për të informuar dhe qetësuar opinionin publik

Presidenti i Republikës, Ilir Meta bëri me dije se ditën e sotme ka pasur një takim me një përfaqësi profesorësh, akademikësh dhe ekspertësh të instituteve të rëndësishme universitare, lidhur me situatën e krijuar nga tërmeti.

Meta thotë se u ka kërkuar atyre që të angazhohen maksimalisht për të informuar dhe qetësuar opinionin publik për këtë situatë.

“Sot zhvillova një takim të frytshëm me një përfaqësi të nderuar profesorësh, akademikësh dhe ekspertësh të instituteve të rëndësishme universitare, lidhur me situatën tepër të rëndë të krijuar nga tërmeti.

I falenderova për kontributin e tyre të vyer në kapërcimin e emergjencës dhe i inkurajova, jo vetëm të forcojnë bashkëpunimin me institucionet, por edhe të angazhohen maksimalisht për të informuar dhe qetësuar opinionin publik, që më shumë se kurrë ka nevojë për mendimin e tyre të kualifikuar.

Vlerësoj shumë idetë e tyre konkrete për rrugët e përgjegjshme që duhen ndjekur për rikthimin në normalitet, veçanërisht për minimizimin e pasojave të rënda që ka sjellë kjo fatkeqësi natyrore.

Është koha të forcojmë më shumë institucionet e këtyre fushave, por edhe t’i dëgjojmë këshillat e tyre shkencore në kohë.

Ramë dakord që së afërmi të zhvillojmë një konferencë ndërkombëtare me përfaqësues nga rajoni dhe më gjerë, për të forcuar bashkëveprimin në përballimin e fatkeqësive natyrore.”-tha Meta.

Kujtojmë se një ditë më parë, edhe kreu i PD-së, Lulzim Basha zhvilloi një takim me ekspertë, ku deklaroi se propozimet e tyre, do të jenë bazë e propozimeve të PD-së, për të dalë nga kjo situatë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë