'S'jemi rivalë, por bashkë me qeverinë në betejë'! Rama poston fjalimin e liderit të opozitës portugeze: Kështu i shërbehet popullit (VIDEO)

TIRANE-Epidemia nga koronavirusi nuk ka mjaftuar për të ndaluar luftën politike në Shqipëri. Akuzat nga Partia Demokratike kundër qeverisë kanë qenë të shumta lidhur me paketën ekonomike, tenderat, por edhe masat për përballimin e situatës. Përballë kësaj situate, kryeministri Edi Rama ka sjellë shembullin e opozitës në Portugali, e cila ka lënë pas ndasitë duke mbështetur qeverinë kundër armikut të vetëm në këtë gjendje; koronavirusi.

'Për mua në këtë betejë, nuk është qeveria e partisë rivale, është qeveria e Portugalisë të cilën të gjithë duhet ta ndihmojmë në këtë momentet, duhet ta mposhtim këtë fatkeqësi. Ne sot nuk jemi opozitarë por bashkëpunëtorët tuaj.

Në këtë moment duhet të jemi të gjithë ushtarë të gatshëm për të ndihmuar në këtë betejë. Të ndihmojmë që Portugalia të fitojë me sa më pak humbje. Zoti Kryeministër keni bashkëpunimin e opozitës, do të ndihmojmë me çfarë mundemi. Ju uroj kurajo, nerva dhe shumë fat. Sepse fati juaj është fati ynë' tha lideri i opozitës në Portugali. 

LEXO EDHE:
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm

Kryeministri Edi Rama ka postuar videon nga fjala e liderit të opozitës në Lisbonë ndërsa shkruan se "Ja si flet opozita kur i shërben sinqerisht vendit dhe popullit, në këtë luftë që ka përfshirë mbarë botën në mbrojtje të jetës së njerëzve".

TAG:
• edi rama
• opozita
• luzlim basha
• Portugali
• koronavirusi ne shqiperi

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1636

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq