Për herë të tretë këtë sezon derbi i kryeqytetit i takoi Partizanit. Në Air Albania, 90 minutat u mbyllën 1-2 në favor të kampionëve në fuqi, të cilët blinduan vendin e tretë dhe pothuajse janë në ‘final four’. Hero për ta në këtë takim ishte mesfushori Magget, i cili realizoi dy gola, ndërsa për Tiranën barazoi përkohësisht Abazaj.
“Mendoj që këtë ndeshje nuk e vendosin episodet. Me aq derbi sa kam luajtur unë nuk mbaj mend që një skuadër të ketë shkuar kaq shumë tek porta. Ne kemi qenë prezent shumë herë te porta kundërshtarit me Kekon, me Skukën. Magget është një lojtar shumë cilësor që kërkon të shtyjë gjithmonë pavarësisht se e kemi në ekulibër, por aty tek zona është prezent dhe duke ditur aftësitë e tij goditëse më bëhet shumë qefi që realizoi 2 gola,”-u shpreh Orges Shehi, trajner i Partizanit.
“E kemi ditur rëndësinë e këtyre 2 ndeshjeve dhe kemi dashur maksimumin, të marrim 6 pikët. I gjithë ai përqëndrim, seriozitet edhe në stërvitje edhe me Dinamon. Dhamë shpirtin, luftuam dhe ia arritëm,”-tha Arinaldo Rrapaj, futbollist i Partizanit.
Ky ishte derbi i tretë që Tirana humb këtë sezon me Partizanin me rezultatin 2-1, ndërsa vetëm në një rast kanë barazuar 1-1. Një humbje e hidhur që vjen pas dy fitoreve, por që e lë në rrezik serioz Tiranën për të siguruar ‘final-four’. Aktualisht bardheblutë janë në vendin e 6 me 1 më pak se Dinamo e vendit të katërt.
“Më vjen keq për lojtarët se dhamë gjithçka. Mendoj se nuk meritonim ta humbisnim këtë ndeshje. Ashtu si shkoj, kartonat e verdhë dhe të kuq gjatë gjithë lojës dhe na kondicionuan pak, sidomos në pjesën e dytë,”-u shpreh Erbim Fagu, trajner i Tiranës.
Derbi Tirana-Partizani mbylli javën e 33 të Superligës, teksa më herët humbja 0-2 e Kukësit kundër Teutës zbriti zyrtarisht për herë të parë pas 12 vitesh verilindorët në Kategorinë e Parë. Po të dielën Vllaznia u hakmorr ndaj Egnatias për eliminimin në Kupë duke fituar 0-1 në ndeshjen debutuese të Brdaric si trajner. Të shtunën Dinamo barazoi me Laçin, ndërsa Skënderbeu fitoi 1-0 kundër Erzenit. Shijakasit ashtu si Kukësi, janë shumë pranë rënies, ndërsa vetëm matematika i mban në lojë. Deri në mbyllje të sezonit kanë mbetur edhe 3 përballje për secilën skuadër.
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30
