Greqi–Kosovë mbrëmë i kaloi kufijtë e futbollit dhe ishte thuajse si një luftë për shkak të çdo limiti që kaluan tifozët vendas. Gjatë 90 minutave grekët shpërfaqën urrejtje ndaj shqiptarëve që nga minuta e parë e lojës së zhvilluar në Volos.
Një baner ku shihej harta e Kosovës me flamur të Serbisë brenda saj, slogane të tjera pro serbe dhe anti-shqiptare, u vërshëllye me të madhe himni shtetëror i Kosovës, brohoritje dhe fyerje nacionaliste dhe raciste ndaj shqiptarëve, laser në sy të lojtarëve të Kosovës, hedhje e sendeve në fushë ishin vetëm disa nga veprimet e turpshme të huliganëve helenë, ndërkohë që kulmi ishte kur disa prej tyre e kaluar gardhin dhe shkuan për t’u përleshur më tifozët kosovarë, “Dardanët”, të cilët nga ana e tyre e ruajtën maksimalisht qetësinë.
Por nuk u mjaftua me kaq. Kur Greqia e shënoi golin e parë, në minutën e 71, tifozët grekë hodhën fishekzjarrë nga distanca tek tifozët e Kosovës, por edhe më gjësende të tjera si shishe plastike apo objekte të tjera. Jeta e tifozëve nga Kosova u rrezikua seriozisht.
Kjo solli herë pas herë reagimin e ekipit të Kosovës i cili në një moment kërkoi edhe ndërprerjen e ndeshjes. Por arbitri portugez vizitoi lojën. E gjithë kjo sjellje skandaloze vjen kur një javë më parë në Prishtinë ekipi grek u mirëprit në mënyrë model, madje edhe fitoi ndeshjen në fushë me rezultatin 0-1.
Grekët e fituan edhe sfidën e mbrëmshme me rezultat 2:0 në kuadër të Grupit 2 të Ligës C. Por, rezultati në këtë ndeshje të Ligës së Kombeve doli në plan të dytë duke e pasur parasysh atë që ndodhi, mbi të gjitha në tribuna. Tashmë pritet nga UEFA, nëse do ta dënojë atë që ndodhi mbrëmë në Volos, duke marrë masa ndaj Federatës së Futbollit të Greqisë.
Incidentet më të vogla ishin fërshëllimat ndaj himnit kombëtar dhe parullat nacionaliste pro Serbisë, ndërsa kupa u mbush kur tifozët grekë sulmuan ata shqiptarë të Kosovës që ishin në stadium. Teksa i tregonte arbitrit për situatën, Amir Rrahmani, kapiteni i Kosovës, thotë se është fyer nga trajneri i Greqisë.
“Ka pasur hedhje të flakadanëve dhe protestova. Nuk ka ndikuar në fushë dhe mendoj që mund të bëjmë më mirë. I tregova gjyqtarit që ato mjete të hedhura janë të rrezikshme. Protestova mjaftueshëm të gjyqtari kryesor dhe te gjyqtari i katërt dhe trajneri i tyre më shau. Le të mbetet në ndërgjegjen e tyre,”-u shpreh Amir Rrahmani.
Komente
Lajme të tjera
-
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
Kosova mbyll dy ndërmarrje publike serbe në veri
26 Dhjetor, 12:52 -
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka
25 Dhjetor, 18:45 -
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57
