Ish kryetari i PD, Berisha vazhdon te politizojë rastin e Agron Canes dhe mohimin e akuzës së këtij të fundit e ka lidhur dhe me kërcënimet e bëra ndaj nënës së 14 vjeçares për “prerje koke” nëse nuk tërheq padinë.
Ndërkohë që Prokuroria akoma nuk i ka vërtetuar akuzat e deputetit Berisha, ndaj Kryeministrit Rama dhe deputetit Kokëdhima, ky i fundit vijon dhe të nxisë në deklaratat e tij ne facebook qytetarët “të ngrihen dhe të shporrin qelbësirat”.
Më poshtë deklarata e plotë e deputetit Sali Berisha.
"Nuk pendohem", deklaron pedofili Cane. Kurse sivllau i Rames, Kokedhima, sulmon per hakmarrje me gazeten e tij nenen e tre jetimeve!! Te dashur miq, keta nuk jane njerez, nuk kane pendese! Sekretari i PS per Saranden, mekembesi i sivllaut te Edvin Kristaq Rames, Koço Kokedhimes, Agron Cane, deklaroi dje ne gjykate se nuk pendohej per krimin shteteror qe kishte kryer duke i kerkuar nenes qe rriti tre jetima vajzen 14 vjecare per marredhenie seksuale ne shkembim te nje vendi pune dhe kercenimin e saj me prerje koke ne rast se do te fliste. Kurse sivllau i Rames, Kokedhima, de fakto "kryeministri i jugut", me porosi te Rames, sulmon ne gazeten e tij, sikur te ishte organ i pedofileve, nenen e tre jetimeve. Keshtu sot, ata me gojen e ndyre te nje si vetja e tyre, Kosta Papa, me aludime te ulta shprehen se "E.G, nena e tre jetimeve nuk vuante per leke"! Kjo eshte hakmarrje primitive ndaj saj. Miq, keta nuk jane njerez, nuk kane ndjenja njerezore, meshire apo dhimshuri. Pendesa, si tipar i njeriut te qyteteruar, tek ata nuk ekziston! Ata kane urrejtje dhe vetem urrejtje dhe epshe shtazore! Qytetar, te ngrihemi ne lartesine e dinjitetit tone! T'i shporrim qelbesirat!"
Redaksia Online
(e.n/shqiptarja.com)