Juristi i OSHE Romeo Kara dhe deputeti Taulant Balla kanë kërkuar nga gjyqtari Lazer Sallaku të urdhëroj prokurorinë të kryej hetime për mënyrën se si është privatizuar OSHE në qeverisjen Berisha tek Cez Shpërndarje.

Sipas Ballës dhe Kara vendimi i marrë nga prokuroria më datë 9 tetor 2017 për të pushuar procedimin penal numër 7340 është i pabazuar në ligj dhe i padrejtë. Pas seancës të zhvilluar me dyer të mbyllura Balla ngriti pikëpyetjen mbi sjelljen e prokurores se si në 10 ditë ka mundur të lexojë mbi 5000 faqe material e prova? Kreu i grupit parlamentar socialist Balla i cilësoi veprimet e prokurorëve si antiligjore duke pushuar këtë procedim penal.

Në të njëjtën linjë ishte dhe qëndrimi i juristit të OSHE Kara duke aluduar se veprimet e prokurorisë janë për të mbrojtur Sali Berishën që është nisja dhe fundi i skandalit me OSHE dhe CEZ.

Vendimi për pushimin e këtij procedimi penal u morë nga prokurorja Alma Brati dhe me kodin e ri të procedurës penale kaloi në gjykatë aty ku pritet vendimi i gjyqtarit për të vlerësuar nëse ka kryer apo jo hetime të plota prokuroria e Tiranës.

Qeveria Berisha dhe ministria e Energjetikës drejtuar asokohe nga Genc Ruli vendosën të privatizojnë tek cekët e CEZ shpërndarje operatorin e shpërndarjes së energjisë OSHE e cila disa vite më vonë si një privatizim i dështuar u rikthye sërish në kompani shtetërore.

Redaksia Online
l.q/Shqiptarja.com