POP 5

Lajmet më të lexuara të 5 minutave të fundit

Bota

Skandali i KatarGate/ Flet për herë të parë nga burgu Eva Kaili: Kam menduar disa herë të vras ​​veten! E tronditur nga hipokriza

Fjalët e para të Eva Kailit nga burgu Haren në Belgjikë ku po vuan dënimin për skandalin e Katargate ishin të pritshme aq sa surprizuese.  Ajo këmbëngul se është e pafajshme ndërsa ka rrëfyer se si pasojë e presionit psikologjik ka menduar të vrasë veten

Skandali i KatarGate/ Flet për herë të parë nga burgu Eva Kaili: Kam menduar disa herë të vras ​​veten! E tronditur nga hipokriza

Eva Kaili

Fjalët e para të Eva Kailit nga burgu Haren në Belgjikë ku po vuan dënimin për skandalin e Katargate ishin të pritshme aq sa surprizuese.  Ajo këmbëngul se është e pafajshme ndërsa ka rrëfyer se si pasojë e presionit psikologjik ka menduar të vrasë veten.

“Unë jam e pafajshme dhe do ta vërtetoj. Por nuk ndihem si viktimë. Ndihem si një trofe. Një trofe i ndjekjes politike që përfshin një paragjykim, një paragjykim që ekziston në çdo rast që përfshin parlamentarë dhe politikanë nga vendet e Evropës Jugore. Maltezët, grekët, italianët etj.' Eva Kaili i tha fillimisht bashkëbiseduesit të saj italian.

Në takimin që u zhvillua të hënën e kaluar në burgun e Harenit, Eva Caili , sipas gazetës italiane, është shfaqur me xhinse, këpucë sportive dhe këmishë të bardhë dhe jelek jeshil të veshur nga të gjithë të burgosurit meshkuj dhe femra.

Në të njëjtën kohë, ajo shprehu ankesën e saj se asnjë nga politika apo kolege nuk ka shkuar ta vizitojë gjë që eurodeputetja e sheh si përçmim dhe injorim.

“Askush nuk ka ardhur deri tani. Askush nga partia ime, askush nga Greqia. Pas turbullirave të ditëve të para, askush nuk flet më për këtë çështje. Më injorojnë, më kanë harruar”.

Eva Kaili ka rrëfyer gjithashtu se “në gjashtë javët e para kam menduar për vetëvrasje. Disa herë. Pastaj diçka ndryshoi”, pa elaboruar se çfarë i largoi mendimet e tilla.

Sipas politikanes italiane “krimet për të cilat ajo akuzohet janë shumë të rënda dhe nëse shpallet fajtore do të duhet të paguajë. Por prezumimi i pafajësisë duhet të zbatohet për të gjithë, duke përfshirë edhe politikanët. Ndryshe po flasim për kohë të errëta në histori”.

Së fundmi, politikania italiane pohon se Eva Kailin e ka parë të trazuar emocionalisht, por luftarake dhe jo të dëshpëruar: “Hetimi do të vazhdojë ashtu siç duhet, por e përsëris se prezumimi i pafajësisë duhet të zbatohet për të gjithë. Jam e habitur nga heshtja e politikanëve dhe hipokrizia që rrethon këtë histori”.- tha ajo.

Ka qenë gazeta belge ‘Le Soir’ ajo që raportoi fillimisht skandalin e Katarit ku ishin bërë përpjekje për të korruptuar deputetin socialist italian i cili ishte anëtar i PE që nga vitit 2004-2009. Dy të arrestuarit e tjerë janë Luca Visentini, Sekretar i Përgjithshëm i sapozgjedhur i Konfederatës Ndërkombëtare të Sindikatave, ish-deputeti Pier-Antonio Panzeri. Për skandalin reagoi edhe presidentja e Komisionit Evropian, Ursula von der Leyen e cila tha se akuzat ishin "shumë serioze" dhe bëri thirrje për krijimin e një organi të ri të etikës për të mbikëqyrur bllokun.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46