POP 5

Lajmet më të lexuara të 5 minutave të fundit

Bota

Skandali i korrupsionit në Portugali, kryeministri Antonio Costa jep dorëheqjen

Kryeministri i Portugalisë Antonio Costa thuhet se i ka dorëzuar presidentit të vendit dorëheqjen në mes të një hetimi për parregullsi të dyshuara në menaxhimin e projekteve të minierave të litiumit dhe hidrogjenit nga qeveria në vend

Skandali i korrupsionit në Portugali, kryeministri Antonio Costa jep dorëheqjen

Antonio Costa

Kryeministri i Portugalisë Antonio Costa thuhet se i ka dorëzuar presidentit të vendit dorëheqjen në mes të një hetimi për parregullsi të dyshuara në menaxhimin e projekteve të minierave të litiumit dhe hidrogjenit nga qeveria në vend.

Zyra e prokurorit tha në një deklaratë më herët se pesë persona u arrestuan si pjesë e hetimit, duke përfshirë Vitor Escaria, shefin e stafit të Costa dhe një konsulent biznesi.

Më shumë se 40 bastisje u kryen të martën në ndërtesa të ndryshme qeveritare, duke përfshirë zyrën e Escaria dhe ministritë e infrastrukturës dhe mjedisit, tha zyra e prokurorit në një deklaratë, raporton Poltico.

Prokurorët kishin konfirmuar në janar të këtij viti se një hetim mbi programet e litiumit dhe hidrogjenit ishte duke u zhvilluar, por nuk kishin përmendur asnjë të dyshuar.

Sipas mediave lokale, hetuesit bastisën sot ndërtesat qeveritare, duke përfshirë rezidencën zyrtare të kryeministrit, ministrinë e mjedisit dhe rezidencën e ministrit të Infrastrukturës João Galamba.

Kryetari i bashkisë së qytetit të Sines, Nuño Mascarenias, ndodhet në paraburgim, ashtu si edhe dy biznesmenë. Kujtojmë se të paktën dhjetë ministra dhe zëvendësministra u larguan nga qeveria vitin e kaluar, të paktën dy prej tyre në lidhje me skandalet në kompaninë ajrore TAP.

Mes tyre ishte edhe zëvendësministrja e financave e Portugalisë, Alessandra Reis, pasi ajo u largua nga bordi i transportuesit shtetëror TAP si pjesë e ristrukturimit të grupit.

Në nëntor 2022, krahu i djathtë i kryeministrit portugez Costa, Miguel Alves, dha dorëheqjen pasi u akuzua zyrtarisht nga prokurorët për keqbërje gjatë mandatit të tij si kryetar bashkie në 2015-16. Alves i ka mohuar akuzat.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Korabi: 07/11/2023 17:35

    Njeri me personalitet.Politikanet tane notojne ne para te vjedhura dhe asgje si gjen.Mire e bejne,drejtesi nuk ka populli i voton,pastaj ankohemi pse nuk rriten pensionet,pse……Popull pa shtyll kurrizore.

    Përgjigju
  • Mergimtari: 07/11/2023 16:56

    "Jane akuza politike,ata jane te paster".Refuzojne te paraqiten e prokurori.Do ta realizojne sipas "modelit"Shqiptar.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kjo Krishtlindje është ftesë për të përjetuar magjinë... Çfarë thonë yjet për ju sot

Kjo Krishtlindje është ftesë për të përjetuar magjinë... Çfarë thonë yjet për ju sot

25 Dhjetor, 07:26