Skandali i mbetjeve toksike të Kurum, Basha: Do e çojmë në SPAK

Lulzim Basha, ka folur për skandalin e mbetjeve toksike. Në konferencën për mediat, Basha tha se juristët e këtij grupimi politik po shohin mundësinë e dërgimit të çështjes së KURUM nga Prokuroria aktuale që po e ndjek, tek SPAK.

Ai tha se ajo që ka dalë është maja e ajsbergut për qindra ton helme që janë kapur duke u transportuar. 

"Ekipi ynë i juristëve po shikon mundësinë e dërgimit të çështjes së KURUM-im nga Prokuroria aktuale që po e ndjek, tek Struktura e Posaçme Anti-Korrupsion. Duke hetuar të gjitha aspektet që mund të përbëjnë bazë për ta konsideruar këtë si një vepër të një grupi të strukturuar kriminal me aspekte korruptive të zyrtarëve të lartë që janë juridiksion i SPAK. E keni parasysh se për çfarë bëhet fjalë. Dhe nuk bëhet fjalë vetëm për atë që ka plasur që është maja e ajsbergut për qindra ton helme që janë kapur duke u transportuar. Bëhet fjalë për praninë e këtyre helmeve në mënyrë të përditshme në Elbasan dhe në të gjithë vendin dhe rrezikun e tmerrshëm për pasojat e shëndetësore që kjo ka për qytetarët e Elbasanit dhe të gjithë Shqipërisë", vijoi Basha. 

LEXO EDHE:
Mero Baze: PD duhet të zgjedhë mes Orbanit dhe Ramës

Lajmi kryesor:

Bardhi e ‘dëboi’ në fund të Kuvendit, Basha: Natën ngre dolli me wiski për fundin e Berishës, ditën i serviloset! Skandalin me mbetjet e Kurum e çojmë në SPAK

SI.E./Shqiptarja.com

TAG:
• skandali me mbetjet toksike
• KURUM