POP 5

Lajmet më të lexuara të 5 minutave të fundit

Bota

Skandali i ‘PartyGate’, Johnson në 'gjyq' para deputetëve britanikë: Do them vetëm të vërtetën, e bëra për të motivuar stafin

Skandali i ‘PartyGate’ mesa duket nuk u ‘harrua’ edhe pas dorëheqjes së ish kryeministrit britanik, Boris Johnson, i cili sot ka dalë përpara deputetetëve të japë llogari.

Skandali i ‘PartyGate’, Johnson në 'gjyq' para deputetëve britanikë: Do them vetëm të vërtetën, e bëra për të motivuar stafin

Kryeministri britanik, Boris Johnson

BRITANI E MADHE- Skandali i ‘PartyGate’ mesa duket nuk u ‘harrua’ edhe pas dorëheqjes së ish kryeministrit britanik, Boris Johnson, i cili sot ka dalë përpara deputetetëve të japë llogari.

Me dorë në bibël, Johson ka pranuar përpara deputetëve se çdo gjë jashtë etikës e ka bërë për të motivuar punonjësit e tij.

Duke i vënë përballë foton me festën e shfrenuar, Johnson vijoi të këmbëngulë se nuk ka shkelur asnjë rregull në festat e shfrenuara që u zhvilluan gjatë pandemisë, të cilat ai i konsideron takime pune. Johnson u përball me fotot nga tavolina e shtruar dhe u pyet nga deputetët nëse shishet me verë ishin vërtetë të nevojshme në një takim pune.

Johnson tha me humor se nuk e dinte që të premteve, njerëzve nuk u lejohej që të pinin alkool gjatë pandemisë.

"Nuk e di çfarë ndodhi pasi ika unë por, deri në momentet që isha aty u duk se gjithçka ishte në rregull në kuadër të masave që kishim ndërmarrë.

Është zakon t'u thuash lamtumirë njerëzve në këtë vend me një dolli".-ironizoi ai.  

Fotoja që zbuloi festat e çmendura të Boris Johnsonit gjatë pandemisë

Po çfarë ishte skandali i PartyGate që i mori ‘kalanë nga brenda’ Boris Johnsonit?

Shthurje dhe party i çmendur ka qenë kryefjala e ‘PartyGate’ ku partia konservatore gjatë periudhës së pandemisë, kishte disa vende ku jo vetëm që nuk zbatonin rregullat, por madje i thyenin me vetëdije të plotë. Festat zhvilloheshin nëpër vila, ku akomodoheshin dhe festonin deri në orët e para të mëngjesit, ndërkohë që askush tjetër për shkak të masave drastike të COVID nuk guxonte të dilte nga shtëpia. Partia Laboriste e cilësoi si një super skandal, por edhe partia e tij, deputetët e së cilës e bënë të jepte llogari me anë të një mocioni mosbesimi.

Lideri britanik, Boris Johnson, ka dhënë dorëheqjen si kryetar i partisë konsrvatroe në Londër, si pasojë e presionit të kabinetit qeveritar. 

Çfarë është komiteti i 1922-shit?

“Komiteti 1922” është një grup prej mbi 10 deputetësh konservatorë të cilët nuk mbajnë asnjë post qeveritar. Ata takohen rregullisht për të diskutuar çështjet e partisë. Komiteti takohet me udhëheqësin e partisë çdo muaj për të këmbyer pikëpamjet rreth partisë. Pjesa më e rëndësishme e punës së këtij komiteti është përcaktimi i rregullave se si mund të ndryshohet kreu i partisë. Komiteti u themelua në vitin 1923 nga një grup ligjvënësish, që morën mandatin e deputetit në vitin 1922, prej nga e ka marë edhe emrin. Anëtarët e tij zgjidhen nga rradhët e deputetëve konservatorë. Brenda pak javësh pritet të zgjidhet komiteti i ri ekzekutiv.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51