Skandali me listat, 29 nga emrat
e rinj të PD me precedentë penalë

Janë plot 29 emrat e rinj të konkurruar nga PD, të cilët kanë precedent penalë ose janë përfshirë në afera të mëdha korruptive.

Këta 29 emra të rinj, të paktën një në çdo Qark, do t’i bashkohen pa dyshim një “armate” të deputetëve ekzistues, të kryesuar nga vetë lideri Basha, që në të shkuarën kanë janë akuzuar për lloj-lloj aferash.

Lexoni këtu listën e plotë të personave të inkriminuar
Qarku Tiranë
Fatbardh Plaku-Ish-kryetari i Komunës së Farkës ka përfunduar nën hetim për lejet e dhëna pa kriter në komunën e tij, leje që kanë shkatërruar kurorën e gjelbër të kryeqytetit. Ai është ndjekur edhe për falsifikim dokumentash, me qëllim përvetësimin e 10 mijë metrave katrorë truall, në Lundër. i ka shpëtuar nja atentati në banesën e tij, kur persona të paidentifikuar e qëlluan me antitank.

Besnik Fuçia-Ashtu si Plaku, edhe Besnik Fuçia ka një karrierë të ngjashme, si kryekomunari që betonizoi Kasharin dhe përfundoi shkatërrimin e kurorës së gjelbërt të kryeqytetit. Në 2013-n, çoi në Gjykatën Kushtetuese vendimin e qeverisë, që pezulloi përkohësisht lejet e ndërtimit.

Fuad Haxhiymeri-Biznesmen, ish-bashkëpunëtor i Rezart Taçit, është pronari i kompanisë së prodhimit të makaronave dhe miellit “Prima” dhe aksioner i Bankës “Credins”. Në të shkuarën, ndaj tij janë hapur hetime për evasion fiskal.

Qarku Shkodër
Lorenc Luka-Ish-kryetar i Bashkisë së Shkodrës, Lorenc Luka është përballur me drejtësinë pas një kallëzimi të IMKT-së, pasi lejimit të dhjetëra lejeve pa leje në bashkinë e tij.

Helidon Bushati-Kandidat për deputet në Shkodër, është përballur me akuza për korrupsion nga koha kur u caktua prej Halim Kosovës, si Drejtori i ri i Qëndrës Spitalore Universitare “Nënë Tereza”. Gjatë drejtimit të tij, çmimi për ilaçet për sëmundjet tumorale u rrit tetë herë.

Bardh Spahia-Si ish-zëvendësministër i Shëndetësisë, Spahia u përfshi në disa afera korrupsioni. Si Sekretar i Përgjithshëm në Presidencë, ai ishte protagonist i shkarkimit të bujshëm të Bahri Shaqirit, nga kreu i SHISH dhe zëvendësimit të tij me Visho Ajazin.
Anton Koka-Gjithashtu kandidat mbulon Zonën e Malësisë së Madhe, ku njihet si një person i përfshirë në rrjetin e trafikut të drogës.

Qarku Durrës
Enri Ceno-Vettingu po spastron gjykatësit e korruptuar, por PD ka gjetur një mënyrë të re për t’i përfaqësuar përsëri ata në Parlamentin e ri… duke përfshirë fëmijët e tyre në Parlamentin e ardhshëm. Enri Ceno është kandidat në Durrës. Ai është djali i Petrit Cenos, i akuzuar në mënyrë të përsëritur dhe nën hetim për korrupsion, favore dhe falsifikim të dokumentave gjyqësore. Ceno, i cili poston në rrjetet sociale fotot e tij duke parë në Madrid ndeshjen Real-Barça është një prej emrave më të inkriminuar të këtij sistemi të drejtësisë.

Shkëlqim Fortuzi-Ish-drejtor i tatimeve Durrës dhe ish-kryetar i Bashkisë në Sukth është i akuzuar për disa afera korruptive në të dy pozicionet që ka mbajtur.
Vullnet Topalli-Ish-drejtues i Policisë gjatë kohës së PD-së, i kallëzuar për shpërdorim detyre së bashku me Florenc Hoxhën. Topalli është personi që pasoi Hoxhën si kryetar i Policisë Bashkiake. Të dy ishin protagonistë në lejimin e qindra ndërtimeve pa leje në Tiranë gjatë mandatit të ish-kryetarit Basha.

Qarku Elbasan
Endri Hasa-Ish-drejtori i AKSHI, ish-punonjës i SHIK-ut, i përfshirë në çështjen e fshirjes së kamerave të sigurisë gjatë 21 janarit. Gjithashtu, figuron se ka falsifikuar letrat për të përfituar kredi të butë strehimi.

Taulant Zeneli-Ish-drejtor në Bashkinë e Tiranës në kohën e Lulzim Bashës, ka favorizuar disa kompani të caktuara për licensat e transportit urban.

Qarku Vlorë
Adriatik Alimadhi-Kreu i Ballit Kombëtar është një zgjedhje e çuditshme, jo sepse është përfshirë në ndonjë aferë, por sepse në të shkuarën ka akuzuar drejtpërdrejtë nëpër media Bashën se vjedh votat. Sot janë aleatë!?

Hariz Mema-Kryetari i Partisë Demokratike në Sarandë, Hariz Mema, është kallëzuar penalisht nga shtetasi Julian Sinomati. Ky i fundit është kërcënuar me jetë nga kreu demokrat në Sarandë, pas një debati të fortë në rrjetet sociale.

Qarku Fier
Myslym Murrizi-Protagonist në muajin mars i një video të shëmtuar, në publikuar nga ai vetë, në të cilën kërcënonte dhe fyente një efektiv të Policisë Rrugore pasi u ndalua pa rripin e sigurimit. Për shkak të këtij postimi naiv, Murrizi i hapi punë vetes, duke përfunduar nën hetim për akuzën e kanosjes dhe mosbindjes së urdhërit të Policisë. Në të shkuarën është akuzuar edhe për trafik lëndësh narkotike.

Luan Baçi-Ish-Drejtori i Shërbimit të Automjeteve në Fier, u arrestua në vitin 2012 dhe u pezullua nga detyra për shkak të pranimit të rryshfetit në lëshimin e patentave. Çuditërisht, gjykata e liroi pak kohë më vonë.

Qarku Korçë
Andrea Mano-Humbi në mënyrë spektakolare kur konkurroi për kryetar Bashkie ndaj Niko Peleshit, por ai është i njohur në Korçë edhe si një biznesmen me peshë, pronar i firmës “Albania Construction”. Në të shkuarën, ka përfunduar nën akuzë për evasion fiskal.

Ligoraq Karamelo-Ish-kreu i OMONIA-s në Korçë, përfundoi nën hetim për shkak të përfshirjes së tij në aferën e ngritjes së varrezave ilegale për ushtarët grekë në Korçë.
Fatmir Guda-Ish-kreu i Bashkisë së Leskovikut, është ndjekur në të shkuarën për korrupsion dhe abuzim me listat e personave që përfitojnë ndihmë sociale.

Qarku Berat
Bujar Hoxha, ish-prefekt i Beratit, tashmë biznesmen, në të shkuarën ka qenë një bashkëpunëtor i Ilir Hysenit, kreu i trafikut të kokainës, i arrestuar në Xibrakë të Elbasanit.

Qarku Kukës 
Isuf Çela-Arritja e tij më e madhe në jetë është vendlindja në Tropojë. Falë kësaj “pasaporte”, ai u bë një prej 50 personave të lindur në Tropojë që zunë vend në drejtimin e Policisë së Shtetit në kohën e Berishës (50 nga 90 pozicione drejtuese në total). i akuzuar në atë kohë si sekser.

Alban Zeneli-Sulmoi fizikisht Policinë e Shtetit tek konflikti për ndërtimin e Parkut tek Liqeni Artificial.

Miftar Dauti-Kryetar i Komisionit të Ekonomisë në Këshillin Bashkiak të Hasit, Miftar Dauti ka kaluar në mënyrë të jashtëligjshme ndihma ekonomike për familje militantësh të PD-së, duke hequr këto ndihma për familjet në nevojë.

Qarku Dibër
Dhurata Çupi-Ish-drejtore në Bashkinë e Tiranës në kohën e Bashës, ish-kryetare e Agjensisë së Inventarizimit dhe Trajtimit të Pronave Publike, në të dy këto pozicione e akuzuar për mitmarrje.

Xhemal Gjunkshi-Ish-shef i Shtabit të Përgjithshëm të Ushtrisë, sipas dokumentave të publikuara në “Ëikileaks” ka qenë një prej figurave kryesore që ka përfituar nga shitja e pajisjeve të vlefshme ushtarake për skrap, si dhe në disa afera të tjera korrupsioni të ndodhura në ushtrinë shqiptare.
Sulejman Gjana-Përfundon në këtë listë për një arsye shumë origjinale. Konkurron për deputet, edhe pse nuk jeton fare në Shqipëri, por në Belgjikë.

Qarku Gjirokastër
Roland Bejko-Nipi i kreut të Komunës së Lazaratit, Dasho Aliko, i përfunduar në pranga gjatë operacionit anti-Lazarat të ndërmarrë në vitin 2014. Bejko, për 20 vjet me radhë ka qenë një organizatorëve kryesorë të trafikut të narkotikëve në Lazarat.
Kosta Barka-Ish-ministër, ka përfunduar në gjyq për shpërdorim fondesh.

Qarku Lezhë
Lindita Metaliaj-Ndodh edhe kështu, në listë është një person që aktualisht është e përfshirë në një çështje gjyqësore. Aktualisht, zonja Metaliaj, si përmbarësuese e pavarur, është e paditur nga Agjensia Kombëtare e Burimeve Natyrore. /Lexo.al

Redaksia Online
Al.N/Shqiptarja.com

TAG:
• lazarat
• visho ajazi lika