POP 5

Lajmet më të lexuara të 5 minutave të fundit

Sociale

Skandali në qendrën e personave me aftësi të kufizuara ku shërbehen ushqime të skaduara! Drejtoresha kyç derën, heshtin bashkia dhe ministria

30 invalidë në Vlorë ushqehen me produkte të skaduara dhe flenë në dhomat me lagështi. Report TV publikoi raportin e KLSH-së por përballë këtij skandali institucionet heshtin! Bashkia e Vlorës, Autoriteti Kombëtar i Ushqimit dhe Ministria e Shëndetësisë nuk i janë përgjigjur kerkesave për informacion, ndërsa drejtoresha Elida Grabova mban të kyçur derën e qendrës.  

Brenda këtyre mureve me ngjyra jetojnë në kushte mizore 30 të sëmurë, persona me aftësi të kufizuara në lagjen Skelë të Vlorës. Kontrolli i Lartë i Shtetit ka zbuluar se dhomat ku flenë të sëmurët janë me lagështi, ndërsa ushqimet janë të skaduara.

Në raportin e publikuar një ditë më parë nga Report TV thuhet se “janë gjetur pula të prishura me erë të rëndë dhe ngjyrë të transformuar, mishi, patatet, qepët, frutat, rifuxho në kushte lagështie pa peshuar, pa etiketa. Procesverbalet e pranimit të produktit sallam, proshuta, etj nuk përmban të dhëna mbi vulën e kontrollit veterinar...”.

Pas këtyre gjetjeve skandaloze të KLSH-së, Report TV kërkoi paraditen e së mërkurës të xhirojë në ambientet e Qendrës së Zhvillimit për Personat me Aftësi të Kufizuar Vlorë dhe të intervistojë drejtoreshen Elida Grabova.

Grabova përmes telefonit tha se nuk mund të prononcohet pa lejen e bashkisë, ndërsa porta siç shihet në pamje mbahet e kyçur...

Përballë këtij skandali hesht dhe drejtori i AKU-së në Vlorë, Ani Binaj.  Report TV kërkoi të mësojë nëse AKU ka kryer kontrolle për cilësinë e ushqimeve, por AKU refuzoi kërkesën për informacion dërguar me postë elektronike.

KLSH në raporton citon dhe abuzimin tenderin për rikonstruksionin e godinës së Qendrës së Zhvillimit për Personat me Aftësi të Kufizuar. Po kështu Bashkia e Vlorës nuk ka marrë masa për transferimin dhe regjistrimin në pronësi të saj të godinës ku ushtron veprimtarinë QZHPAK, me sipërfaqe totale 675 m2. Sipas raportit, objekti “kaldaja”, me sipërfaqe 54 m2, nuk posedohet nga QZHPAK, por ky objekt përdoret nga subjekte private për qëllime banimi.

Qendra e Zhvillimit për Personat me Aftësi të Kufizuara është një institucion shtetëror në varësi të Ministrisë së Shëndetësisë dhe Mirëqënies Sociale si dhe të Bashkisë Vlorë. Deri në publikun e këtij lajmi Ministria as Bashkia nuk i janë përgjigjur interesimit tonë, duke ju shmangur përgjegjësisë për shëndetin e 30 të sëmurëve në këtë qendër.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/04/2023 01:43

    Dhe te mendosh qe keto shkelje e abuzime u zbuluan nga KLSH!! Duket qe bashkia,AKU dhe drejtoresha jane bashkepuntore ne krim dhe tani s'na vjen zeri e s'na duket syri.

    Përgjigju
  • Vlore: 05/04/2023 23:56

    Te gjita punojset qe punojne aty vtem per bokino jsn te afta se per pune se kan mendjen se kete ta them nga pervoja

    Përgjigju
  • Meri: 05/04/2023 20:59

    Të gjithë këto istituzione jan bashkpunëtor në këtë ngjarje kriminale.Të dashur gazetar,ju jeni zëri dhe forca i këtyre fatkeqve,mos i lini vetëm.

    Përgjigju
  • Ela: 05/04/2023 17:39

    Po komentet e patronazhisteve ku jane qe per nje post te tymit te autobuzave te lali erit e bene dhune

    Përgjigju
  • Axl: 05/04/2023 17:16

    Ku janë gjithë ato shoqata dhe ojf-ra si FSHDPAK qe të ngrihen për të drejtat e këtyre të shkretëve..boll pare kanë nga dhuruesit benefator që mbjellin sorrows...

    Përgjigju
  • Bilo pilafi: 05/04/2023 16:36

    Keto jane plehra.

    Përgjigju
  • Vlore: 05/04/2023 16:09

    Ne vlore ka shume raste neper institucione si ky rasti ketu jan te gjithe te koruptuar qe nga zyrat e punes ksha vlore ujesjellsi dogana tatime te bej nje vizite dhe neper keto institucione klsh

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15