POP 5

Lajmet më të lexuara të 5 minutave të fundit

Ekonomi

Skema e tatimeve për të dy punësuarit, Zef Preçi: Nuk është pozitive, duhen rritur pagat

Tatimi i të dy-punësuarve për totalin e të ardhurave që marrin, për ekspertin e ekonomisë Zef Preçi është vendim i pa konsultuar dhe jo pozitiv. Sipas tij një masë e tillë mund të nxisë informalitetin. Preçi po ashtu shikon me shqetësim mungesën e përcaktimit të minimumit jetik në vend.

Ndryshimi i sistemit të taksimit për të punësuarit në më shumë se një pozicion, shikohet me skepticizëm nga ekspertët. Propozimi për të tatuar të punësuarit për totalin e të ardhurave që marrin nga punët që bëjnë, për ekspertin e ekonomisë Zef Preçi është i pa konsultuar dhe mund të ndikojë negativisht në deklarimin e pagave.

“Përshkallëzimi në tre nivele i tatimit (mbi të ardhurat personale) ka çuar në shtimin e informalitetit dhe të evazionit fiskal. Rritja e paarsyetuar, e paargumentuar dhe e pashoqëruar me arsimimin dhe edukimin përkatës, e taksave është joproduktive. Një numër punëdhënësish detyrojnë të punësuarit që t’i tërheqin paratë në bankë dhe të kthejnë një pjesë të tyre në cash tek punëdhënësi. Ky është një fenomen i njohur, për të cilin heshtet” është shprehur Preçi.

Ndërkohë, shqetësim serioz sipas ekspertit të ekonomisë mbetet përcaktimi i minimumit jetik. Në mungesë të këtij treguesi Preçi propozon rritje të pagave dhe inkurajim të punëmarrësve dhe punëdhënësve për të paguar detyrimet e tyre.

“Shqipërisë i mungon akoma një minimum jetik. Nuk ka një harmonizim të pagës minimale, pensionit minimal dhe minimumit jetik. Punëmarrësi duhet të inkurajohet që të kontribuojë brenda parametrave që ka ligji për sigurimet shoqërore,duhet edukuar që të përfshihet në skemat private të pensioneve. Por, nuk mund ta taksosh thjesht për faktin që mund ta kapësh” tha eksperti.

Ndërkohë sa i takon buxhetit për vitin 2020 dhe shkurtimit të fondeve për investime infrastrukturore, për Preçin janë një sinjal jo i mirë, që tregon se ekonomia është në tkurrje. Sipas tij e vetmja mundësi që ka qeveria për të rritur ekonominë është përmirësimi i klimës së biznesit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50