POP 5

Lajmet më të lexuara të 5 minutave të fundit

Kronikë

Skema e vrasjes së Behar Sofisë! Nga momenti kur doli nga lokali ku po pinte kafe, deri tek vendi ku u qëllua për vdekje

Report TV ka ndërtuar skemën e lëvizjeve të Behar Sofisë, nga momenti kur doli në këmbë nga lokali ku piu kafe, deri tek vendi ku u qëllua. Tek ky i fundit, një javë pas vrasjes, të vetmet që të kujtojnë krimin në mes të Tiranës janë lulet e lëna nga familjarët

Lulet e familjarëve janë ende në vendin ku u vra Behar Sofia. Shtatë ditë nga ekzekutimi, hetimet nuk kanë shkuar akoma tek emri i autorit.

66-vjeçari Behar Sofia sapo kishte pirë kafen e mëngjesit, ndërsa lëvizi në këmbë për 180 metra për të ardhur në këtë vend dhe për t’u ekzekutuar me dy plumba, nga autori, i cili më pas u largua me biçikletë në drejtim të Kodrave të Liqenit artificial këtu në Tiranë.

Report TV, bazuar në deklaratat e dëshmitarëve ka ndërtuar skemën e lëvizjes së 66-vjeçarit Sofia nga lokali ku piu kafen, e deri tek vendi ku u qëllua. Një kafe përballë piramidës, në rrugën “Papa Gjon Pali II” ishte vendi i fundit ku Sofia qëndroi për rreth 30 minuta.

Pasi doli nga aty, lëvizi në trotuarë në drejtim të ETC-së dhe më pas u kthye majtas në vizat e bardha.

Nga aty, sërish, përmes vizave të bardha kaloi në trotuarin ngjitur me Lanën. Pasi kishte bërë 180 metra në këmbë, krejt papritur u shfaq dikush që e qëlloi me armë. Behar Sofia u shemb në tokë.

Nga këtu, autori u largua me shpejtësi në drejtim të urës së Lanës, në bulevardin “Dëshmorët e Kombit”. Një dëshmitar ka deklaruar se ai mori biçikletën poshtë urës. Pas kryerjes së kamerave të sigurisë, grupi hetimor arriti në përfundimin se vrasësi lëvizi i pashqetësuar në bulevard, kaloi dy palë viza të bardha dhe u nis me biçikletë.

Autori, pasi qëlloi dy herë në drejtim të 66-vjeçarit Behar Sofia, me pistioletën e tij TT, u largua me biçikletë përmes kësaj korsie në bulevardin “Dëshmorët e Kombit” në drejtim të liqenit. Nga ai vend ka humbur çdo gjurmë. Prokuroria dhe Policia e Tiranës vijojnë hetimet për identifikimin e tij dhe bashkëpunëtorëve.

Një javë pas vrasjes, askush nuk është arrestuar akoma. Hetimet vijojnë të jenë intensive.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

24 Janar, 12:05