Mediat greke shkruajnë se drejtuesi i bandës, i cili njihet me emrin Gendi, kishte krijuar një rrjet të mirëstrukturuar për të mos u zbuluar nga Policia.
Shqiptarët pasi e merrnin drogën nga Shqipëria e transportonin atë nga mali në zonat pranë pikës kufitare Kakavijë dhe Kapshticë. Më pas në Greqi ata përdornin makina private dhe kampionë mallrash për ta çuar në Athinë.
I gjithë ky proces sipas policisë greke kryhej nga shqiptarët, ndërkohë që më shpërndarjen dhe shitjen e drogës, merreshin kryesisht grekët, rumunët, afrikanët dhe bullgarët. Droga pasi shitej, lekët dorëzoheshin po te disa shqiptarë, të cilët në komunikimet me njëri-tjetrin, lekët i quanin letra.
Ndërkohë Policia Greke ka shpallur në kërkim kreun e këtij grupi kriminal, i cili mendohet se jeton në Shqipëri dhe njihet nga anëtarët e bandës me emrin Gendi. Ky grup kishte 146 anëtarë, ku janë vënë në pranga 59, mes tyre 17-shqiptarë dhe 85 të tjerë janë shpallur në kërkim.
Ndër përgjimet që ka bërë policia greke është edhe një komunikim mes bandës.
“20 njerëz po ecin vazhdimisht lart e poshtë duke pyetur njëri¬tjetrin ? Ku është? Ku është”? Njëri prej tyre bërtiti “ja ku është” dhe të gjithë shkuan në drejtim të një hoteli, ku ndodhej një njeri me ngjyrë. Ky i fundit, pasi kontrolloi zonën me një vështrim të shpejtë, u dorëzoi 4 burrave secilit nga një paketë plastike që përmbante heroinë”, shkruajnë mediat greke.
Gjithashtu mediat greke tregojnë se si është zbuluar drejtuesi i grupit kriminal i cili flet me një nga bashkëpuntorët e tij. “Marr pesëmbëdhjetë, i sjell tek ty, ku i jap letrat unë?” dhe “Genti” i përgjigjet: “Jo, jo, mos më fol kështu”.
Mediat në Greqi shkruajnë se mes 85 personave që janë në kërkim, rreth 30 prej tyre janë shqiptarë. Mendohet se shqiptarët kanë marrë informacion për zbulimin që ka bërë policia greke dhe kanë ardhur në Shqipëri. Kjo bandë kishte fitime në shuma marramendëse prej 19 milionë euro.
Ndërkohë mendohet se Rigers Dervishi kur është vrarë më 13 nëntor në Athinë ka qenë në makinë me një nga drejtuesit e kësaj bande. Policia greke dyshon se Dervishi është vrarë gabimisht, ndërkohë që shënjestra ka qenë pasagjeri, por që ka shpëtuar.
Redaksia Online
Al.N/Shqiptarja.com
Lajme të tjera
-
Spahiu: Çmimet e ushqimeve në supermarketet shqiptare 3 herë më të shtrenjta se në Europë
16 Janar, 22:48 -
Sondazhi i Frontline/ Rama më i pëlqyer se Berisha! Diaspora preferon më shumë kryeministrin se zgjedhësit në Shqipëri
16 Janar, 22:43 -
Luiz Ejlli i bën dedikimin e veçantë vajzës së tij nga Maldivet (FOTO)
16 Janar, 22:39 -
Spahiu: 1 nga 3 pakënaqësitë e turistëve të huaj në Shqipëri, është trafiku çmendur rrugor
16 Janar, 22:34 -
Sondazhi/ Puna e qeverisë, 47% kanë opinion negativ! Shqiptarët e diasporës më pak të dyzuar
16 Janar, 22:28 -
Disa nga figurat kryesore të Kongresit të Lushnjes
16 Janar, 22:20
-
Spahiu: Berisha në 35 vite ndërtoi makinerinë e baltës mediatike si presion në familjet e kundërshtarëve
16 Janar, 22:16 -
Sondazhi i Frontline/ Trafiku në Shqipëri, më shumë se 55% e shohin më të rënduar se në vendet fqinje
16 Janar, 22:10 -
Çollaku kundër Berishës: Meta s’duhet të jetë në listën e sigurt të PD, bashkimi me PL s’ka prodhuar kurrë sukses
16 Janar, 22:00 -
Spahiu: Trump 4 vjet s’do e ketë në axhendë fare Shqipërinë, por do ja delegoj një diplomati si Yuri Kim
16 Janar, 21:51 -
Ironia e Spahiut: Trump do mbështes Berishën, aq sa e mbështeti në mandatin e parë
16 Janar, 21:45 -
Dëshmia e ish-kuzhinierit të kryeministrit: Një javë para se Mehmet Shehu të vriste veten, mua më dhanë lejen
16 Janar, 21:44
