2 doganierë në Doganën e Kakavijës janë arrestuar dhe 4 të tjerë janë shpallur ne kërkim pasi akuzohen se në këmbim të ryshfetit kanë lënë kalimin e 4 kamionëve, 1 trajleri dhe një furgoni pa u kontrolluar. Gjithashtu policia ka arrestuar edhe 6 shoferët që në kamionët e tyre kishin mallrat të kontrabanduara.
Operacioni i urdhëruar nga Prokuroria Gjirokastrës, nisi prej mëngjesit të së shtunës deri në orët e para të së dielës dhe u zhvillua nga Agjencia e Mbikëqyrjes Policore, në bashkëpunim me Policinë e Gjirokastrës.
Me urdhër të Prokurorisë së Gjirokastrës janë arrestuar përgjegjësi i doganës së Kakavijës Ardit Abrija, doganieri i kontrollit fizik, Eliod Shurdhaj dhe u shpallën në kërkim Arben Marvataj (doganier i parkimit) si dhe 3 punonjësit e Antikontrabandës Astrit Xhaxha, Arjan Mustafaj Fatjon Osmani).
Drejtoria e Përgjithshme e Doganave ka reaguar menjëherë pas zhvillimit të aksionit dhe ka njoftuar se Komisioni i Disiplinës ka marrë vendimin për pezullimin e të gjithë personave të përfshirë janë pezulluar nga puna dhe se ka nisur hetimin e thelluar sipas legjislacionit në fuqi.
Mësohet se AMP kishte marrë informacione dhe denoncime se doganierë dhe efektivë policie ishin të përfshirë në skema korruptive në lidhje me procedurat e parregullta të zhdoganimit duke përfituar shuma parash.
Në cilësinë e provës materiale janë sekuestruar disa dhjetëra tonë mallra të padeklaruara, aparate telefonikë celular, vlera monetare, etj. Gazetarja e Report Tv Keti Banushi ka siguruar pamjet e kamionëve të tonazhit të rëndë si dhe mjete të tjera të mbushura me mallra që kaluan pikën kufitare pa kryer kontrolle si dhe duke i shmangur pagesave të zhdoganimit që janë bllokuar.
Report Tv ka siguruar pamjet e trajlerit, të kamionëve të tonazhit të rëndë si dhe mjeteve të tjera të mbushura me mallra kontrabandë që u tentua të kalohen në pikën kufitare Kakavijë pa kryer kontrolle si dhe duke shmangur pagesat e zhdoganimit.
Ministri i Brendshëm, Taulant Balla ka reaguar për aksionin e AMP falë të cilit u arrestuan 2 doganierë, u shpall në kërkim një tjetër dhe 3 punonjës të Antikontrabandës, nën akuzën se kanë lejuar futjen e mallrave kontrabandë në këmbim të ryshfetit.
Balla shkruan se goditja e realizuar së fundmi, është mesazh ndaj kujtdo që i shkon në mendje që të marrë shuma të caktuara monetare në këmbim të shkeljes së detyrës.
“Një bravo e merituar për Agjensinë e Mbikqyrjes Policore e cila ka goditur mbrëmë gjatë natës një rast flagrant kontrabande duke arrestuar fajtorët. Policia e Shtetit dhe Agjensia e Mbikqyrjes Policore do të rrisin forcën goditëse ndaj të gjitha formave të krimit ekonomik. Goditja e mbrëmshme është një mesazh i qartë ndaj kujtdo, të cilit i shkon në mendje të kthejë pas kohën e kaluar, kur “ngrihej trau” për të mbushur xhepat e disa personave, na bën më të vëmendshëm për t'i goditur fort këto tentativa”- shkruan Balla.
Drejtoria e Përgjithshme e Doganave ka reaguar lidhur me aksionin e fundit të AMP gjatë ditës së sotme në doganën e Kakavijës ku u arrestuan 2 doganierët Ardit Abrija dhe Eliod Shurdhaj, ndërsa u shpallën në kërkim 1 doganier i parkimit dhe 3 punonjës të Kontrabandës nën akuzën se kishin lejuar kalimin e mallrave kontrabandë në këmbim të ryshfetit.
Drejtoria e Përgjithshme njofton se të gjithë personat e përfshirë janë pezulluar nga puna dhe se ka nisur hetimin e thelluar sipas legjislacionit në fuqi.
Konkretisht janë pezulluar: Ardit Abrija, Eliod Shurdhaj dhe Arben Marvataj (doganierë), Astrit XhaxhaArjan Mustafaj Fatjon Osmani (punonjës të Antikontrabandës).
“Komisioni disiplinor pranë Drejtorisë së Përgjithshme të Doganave vendosi pezullimin nga puna për punonjësit e Degës Doganore Kakavijë dhe grupit të Antikontrabandës, për moszbatim të procedurave doganore.
Bazuar në Kodin Doganor theksojmë se është përgjegjësi personale e çdo punonjësi që të zbatojë procedurat sipas Kodit Doganor dhe Kodit të Etikës, të njihet me pasojat e moszbatimit të tij, si dhe të ruajë imazhin dhe statusin e Administratës Doganore.
Strukturat ligjzbatuese të ADSH-së kanë nisur hetimin e thelluar sipas legjislacionit në fuqi për këtë rast.
Administrata Doganore bashkëpunon me të gjitha agjencitë e tjera ligjzbatuese për të ndëshkuar çdo abuzim me detyrën”- thuhet në njoftim.
Agjencia e Mbikëqyrjes Policore ka dalë me një njoftim zyrtar lidhur me operacionin ku u arrestuan përgjegjësi i turnit A.A dhe E.Sh, doganier fizik në të njëjtën degë nën akuzën se kanë marrë rzshfet për të mos kontrolluar disa kamionë me mallra që kalonin në pikën kufitare.
Lidhur me këtë operacion mësohet se janë arrestuar edhe 6 persona, shoferë të automjeteve që kishin mallra të kontrabanduara dhe kalonin pa u kontrolluar. Konkretisht janë arrestuar
- V.D., 40 vjeç;
- TH.M., 48 vjeç;
- R.I., 41 vjeç;
- A.XH., 45 vjeç;
- A.M., 50 vjeç;
- F.O., 39 vjeç;
Ndërsa janë shpallur në kërkim A.M me detyrë doganier i parkimit si dhe 3 punonjës të kontrabandës të identifikuar si F.R., N.S. dhe G.SH.
Policia ka ndaluar 4 kamiona të tonazhit të rëndë, një trajler me rimorkio dhe një furgon të ngarkuar me mallra të ndryshëm, të papajisur me dokumentacionin përkatës për mallrat e importuara.
Në cilësinë e provës materiale janë sekuestruar disa dhjetra ton mallra të padeklaruara, aparate telefonikë celular, vlera monetare, etj.
Lajme të tjera
-
Tepelenë, do shisnin 30 kg kanabis dhe një kallashnikov, 4 të arrestuar! Në pranga babë e bir që transportonin thasët me kanabis në makinë (EMRAT)
15 Nëntor, 09:14 -
Gjirokastër/ Trafiku i drogës dhe klandestinëve drejt Greqisë, ‘Crossborder’ godet grupin me 11 persona! 4 të arrestuar, 5 në kërkim dhe 2 nën hetim (VIDEO)
14 Nëntor, 13:21 -
Korçë/ Shkaktoi aksident në gjendje të dehur dhe me shpejtësi të lartë, AMP arreston efektiven e policisë
13 Nëntor, 11:30 -
Arrestimi i policit Albano Rustemi, burime: Merrte shuma të mëdha parash për dekonspirimin e operacioneve! Organizator i shpërndarjes së kanabisit
12 Nëntor, 13:45
-
Ora, veshjet e diploma, ekspozohen sendet personale të Musine Kokalarit! Bibika rrëfen amanetin e disidentes
12 Nëntor, 12:47
-
Dekonspiroi operacionet e policisë dhe u përfshi në trafik droge, arrestohet efektivi i Dibrës (EMRI)
11 Nëntor, 21:00 -
Gjirokastër/ Zhvati 42 mijë euro nëpërmjet mashtrimit, 'Porosia' prangos 27-vjeçarin! Katër muaj hetime, i gjendet dhe armë
9 Nëntor, 12:45 -
'Pritshmëritë e shqiptarëve janë shumë të larta', E Ngarkuara me Punë e SHBA në Tiranë: Sa herë takohem me zyrtarë të qeverisë u them ‘reforma në drejtësi, e pakthyeshme’
8 Nëntor, 20:46 -
Aksident i rëndë në aksin Gjirokastër-Tepelenë, një 60-vjeçare përplaset për vdekje nga një automjet! Grupi hetimor në vendngjarje
8 Nëntor, 20:35
-
Komisioni i Sigurisë/ Garda, AMP dhe SHISH më shumë fond për vitin e ardhshëm, do mbulohen pagat e reja!/ Deputetët e PD-së kërkojnë llogari për policinë brenda Parlamentit
8 Nëntor, 16:53 -
Gjirokastër/ I lidhën në mënyrë të paligjshme sahatin e energjisë një biznesi, procedohen penalisht 2 punonjësit e OSHEE-së!
7 Nëntor, 14:12 -
Gjirokastër/ I shpallur në kërkim për vjedhjen e një makine në një lavazh në Memaliaj, arrestohet 45 vjeçari
5 Nëntor, 13:01
