Skenari/ Cami nga Shkodra: Nëse shtohen rastet spitale COVID në rrethe (VIDEO)

SHKODËR- Edhe pse ministrja Ogerta Manastirliu kishte deklaruar se të prekurit me COVID-19 do të trajtohen në Tiranë, duket se ka një plan të ri, për të kthyer spitalet rajonale të rretheve në "spitale Covid". Lajmi u bë publik paraditen e kësaj të enjte nga zyrtarja e ministrisë së Shëndetësisë, Mirela Cami teksa ndodhet në qytetin e Shkodrës.

"Për momentin pacientet po trajtohen në spitalin infektiv COVID1, por nëse kemi rritje të numrave mund të shfrytëzohen dhe spitalet rajonale", tha Cami.

Drejtori i Spitalit të Shkodrës, Ardian Dajti u shpreh i gatshëm për të zbatuar vendimin e qeverisë.

"Sa i takon trajtimit te të prekurve ne kemi kapacitete, por kjo varet nga vendimi i qeverise, nëse qeveria vendos që të prekurit të trajtohen në spitalin rajonal ne do i përgjigjemi. Për momentin të prekurit klinik trajtohen në COVID 1, dhe ato që janë asimptomatik ndiqen nga mjeku i familjes", tha Dajti.

Shkodra është qarku i tretë më i prekur në vend pas Tiranës dhe Durrësit. Gjatë ditës së sotme u shtuan 14 raste të reja me COVID. Cami tha se Shkodra është kthyer në vatër të sëmundjes ndërsa u bëri apel mjekëve të respektojnë masat.

Deklaratat u bënë gjatë një aktiviteti humanitar të Caritasit Shqiptar, i cili u dhuroi spitalit të Shkodrës një sasi të konsiderueshme me maska, doreza e dezifektantë.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet