POP 5

Lajmet më të lexuara të 5 minutave të fundit

Sport

Skënderbeu-Tirana s’përfitojnë për final-four! Në Superligë krizë golash, 4 rrjeta në 5 ndeshje

Skënderbeu dhe Tirana nuk përfituan nga ndalesa e Dinamos për zonën e ‘final-four’ pasi u ndalën në një barazim pa gola në Korçë.

Skënderbeu-Tirana s’përfitojnë për final-four! Në Superligë krizë golash, 4 rrjeta në 5 ndeshje

Moment nga ndeshja Skënderbeu-Tirana

Sfida Skënderbeu-Tirana e javës së 30 të Superligës, edhe pse pati mjaft epidose, u mbyll me shifrat e bardha 0-0. Korçarët vuajtën daljen me kartonin e kuq të Rabiut në minutën e 15, por pavarësisht kësaj në pjesën e parë humbën një penallti me Dean Liçon. Ndeshja, e zhvilluar në një atmosferë të kënaqshme, vlente për ‘final-four’, ndërsa ky barazim lë Skënderbeun në vendin e pestë me 41 pikë, 1 më shumë se Tirana e vendit të 6.

“Mbas kartonit të kuq ishte moment i vështirë për ne sepse ishin 75-80 minuta me një lojtar më pak. Mund të shënosh mund të humbësh penallti, por nëse shohim rezultatin mund të them se jam i kënaqur. Bravo çunat sepse ishte një sakrificë e madhe,”-u shpreh Ivan Gvozdenovic, trajner i Skënderbeut.

“Agresiviteti mendoj se ishte në nivelet e duhura, por mendoj se ishim në presionin e rezultatit pasi donim me doemos për të shënuar gol dhe kjo sjell trysni te lojtarët në momentet vendimtare,”-tha Erbim Fagu, trajner i Tiranës.

Në përballjen tjetër të së hënës Erzeni mori tre pikë të vyera në luftën për mbijetesë duke fituar 1-0 kundër Egnatias kryesuese. Ky sukses që erdhi në minutën e 86 u jep shpresë shijakasve për t’iu larguar vendit të nëntë, ndërsa rrogozhinasit nuk mundën të përfitonin nga ndalesa e Vllaznisë kundër Partizanit. Ndeshja e së dielës në Air Albania u mbyll 0-0, ndërsa në takimet e tjera të kësaj jave Kukësi barazoi 1-1 me Dinamon, ndërsa Laçi fitoi 0-1 kundër Teutës. Për pasojë kurbinasit parakaluan durrsakët në renditje.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

NBA/ Lakers leksion kampionëve të Celtics, Jokic fenomenal te Denver! Fitojnë Bucks e Warriors

NBA/ Lakers leksion kampionëve të Celtics, Jokic fenomenal te Denver! Fitojnë Bucks e Warriors

24 Janar, 10:38