Kohëve të fundit duket se emri i Shqipërisë po ngrihet në një nivel tjetër, jo vetëm në futboll, por në një larmishmëri sportesh.

Skiatorja Lara Colturi, e cila përfaqëson Shqipërinë në Botëror, ka arritur një rezultat historik, duke dalë e para në botë në raundin e dytë dhe e 12-ta në mesataren e dy kohëve, në Botërorin e skive!

Kryetari i Bashkisë së Tiranës Erion Veliaj ka uruar skiatoren shqiptare që bën pjesë dhe në Sport Klubin Tirana, për performancën e saj të jashtëzakonshme.

Ai e quan një rezultat historik për Shqipërinë dhe thekson se kjo është për t;u krenuar.

“Rezultat historik për Shqipërinë!

Skiatorja shqiptare Lara Colturi, me performancën e saj të jashtëzakonshme, na bëri krenarë duke dalë e para në botë në raundin e dytë dhe e 12 në mesataren e dy kohëve, në Botërorin e skive”,- shkruan Veliaj.

Vitet e fundit, Klubi shumësportësh “Tirana”, po njeh një hov në cilësinë e sportistëve që garojnë në disiplina të ndryshme, të cilët kanë fituar trofe dhe tituj kombëtarë e ndërkombëtarë, si Luiza Gega, Kampione e Europës në Atletikë, apo mundësi Zelimkhan Abakarov, Kampion i Botës.
K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Prill, 09:06

    Diaspora po vendos, sa përcaktuese do jetë vota nga jashtë më 11 maj?

Lajme të tjera