Skrapar, bllokohet nga bora aksi rrugor Plirzë-Mali i Tomorrit! Disa makina mbesin të bllokuara

 

Aksi rrugor Plirzë-Mali i Tomorit në Skrapar është bllokuar nga bora dhe është bërë i pakalueshëm për mjetet. Ndërkohë disa automjeteve janë bllokuar në Malin e Tomorrit dhe po ndihmohen nga efektivët e zjarrfikësja.

‘Skrapar/Shërbimet e Policisë, në gatishmëri për t'iu ardhur në ndihmë drejtuesve të automjeteve dhe qytetarëve, në rast nevoje, si pasojë e motit të keq. Shërbimet e Komisariatit Skrapar dhe shërbimet zjarrfikëses u vijnë në ndihmë disa automjeteve të cilat si pasojë e reshjeve të dendura të dëborës kanë ngelur në Malin e Tomorrit.

LEXO EDHE:
Çelet ekspozita tek “Onufri”, mes objekteve monedha 500-she me elementë të Kodikut të Purpurt të Beratit

Pas njoftimit se disa automjete si pasojë e reshjeve të dëborës kanë ngelur në Malin e Tomorrit, Policia dhe shërbimet zjarrfikëses janë nisur drejt zonës malore për t'iu ardhur në ndihmë. Gjithashtu iu bëjmë me dije se aksi rrugor Plirzë-Mali i Tomorrit është bërë i pakalueshëm për mjetet dhe subjekti kontraktor po punon për pastrimin dhe hapjen e rrugës për qarkullimin e automjeteve. Në rast nevoje për ndihmë, telefononi në numrin 112 ose dërgoni njoftim në Komisariatin Dixhital.’- u shpreh policia.

Lajmi kryesor:

Zhbllokohet pas 5 orësh rruga e Arbrit, nis lëvizja e mjeteve në Qafë-Murrizë! Policia: Përdorni zinxhirë e goma dimri! Në Shkodër është 1120 hektarë tokë e përmbytur

M.Q./Shqiptarja.com

TAG:
• Berat