SKRAPAR- 297 kilogramë kanabis u sekuestruan ditën e sotme nga policia në Skrapar, ndërsa ra në pranga një 35 vjeçarë i dyshuar si posedues i tyre.

Sekuestrimi i kanabisit erdhi si rezultat i finalizimit të operacionit policorë të koduar “AGIMI”, ku u goditën gjithsej 3 raste të prodhimit shitjes e kultivimit të lëndës narkotike në qarkun e Beratit.

Si rezultat i operacionit u arrestuan në flagrancë dy persona, njëri prej tyre i dënuar me 3 vjet e 4 muaj burg për veprën penale “Prodhimi dhe shitja e lëndëve narkotike”, ndërsa u sekuestruan  297 kg lëndë narkotike Cannabis Sattiva e papërpunuar si dhe u asgjësuan me anë të djegies 175 rrënjë bimë narkotike Cannabis Sattiva.

Rasti i parë ishte në Skrapar ku u bë kapja dhe arrestimi i të shpallurit në kërkim Medi Myftaraj 26 vjeç, lindur në fshatin Visockë dhe banues në Ksamil. Gjykata e Rrethit Gjyqësor Vlorë e ka dënuar me 3 vjet e 4 muaj burg për veprën penale "Prodhimi dhe shitja e lëndëve narkotike".

Gjithashtu gjatë kontrollit të ushtruar në banesën e këtij shtetasi në fshatin Visockë iu gjet dhe sekuestrua në cilësinë e provës materiale 0.5 kg lëndë narkotike kanabis sativa.
Po sot u bë arrestimi në flagrancë i shtetasit Dejvis Koleci, 35 vjeç, banues në Skrapar pasi gjatë kontrollit të ushtruar në banesën e tij dhe në banesën e prindërve të tij ( e cila ishte e braktisur) në Skrapar, iu gjet dhe sekuestrua një sasi prej 297 kg lëndë narkotike kanabis sativa.

Hetim pasuror për 1 vilë, 1 lokal e disa automjete
Në ngarkim të shtetasve të arrestuar ka filluar hetimi për procedim pasuror pasi janë evidentuar disa pasuri ( 1 vilë 3-katëshe, 1 lokal dhe disa automjete) në pronësi të tyre të cilat dyshohen se lidhen me veprimtarinë e paligjshme të prodhimit dhe shitjes së lëndëve narkotike.

Po në kuadër të këtij operacioni në një zonë të pyllëzuar në fshatin Gradecë, Skrapar janë gjetur dhe asgjësuar me anë të djegies rreth 175 rrenjë bimë narkotikë Cannabis Sattiva.

Po punohet për kapjen dhe identifikimin e autorëve. Materialet i kaluan Prokurorisë së Rrethit Gjyqësor Berat , për veprat penale “Prodhimi dhe shitja e lëndëve narkotike” dhe "Kultivimi i bimëve narkotike".

Njoftimi i plotë i policisë:
Berat-Skrapar
 
Finalizohet me sukses operacioni policor "AGIMI"
 
Operacion nga Sektori për Hetimin e Narkotikëve dhe Trafiqeve
 
Goditen 3 raste të prodhimit, shitjes dhe kultivimit të lëndës narkotike Cannabis Sattiva
 
Arrestohen në flagrancë 2 shtetas
 
Njëri prej tyre i dënuar me 3 vjet e 4 muaj burg për veprën penale “Prodhimi dhe shitja e lëndëve narkotike”
Sekuestrohen 297 kg lëndë narkotike Cannabis Sattiva
e papërpunuar.
Asgjësohen me anë të djegies 175 rrenjë bimë narkotike Cannabis Sattiva
Gjatë orëve të para të mëngjesit Sektori për Hetimin e Narkotikëve dhe Trafiqeve në Drejtorinë Vendore të Policisë Berat, në kuadër të operacionit policor "Agimi" dhe në bazë të informacioneve të siguruara në rrugë operative ka goditur 3 raste të prodhimit, shitjes dhe kultivimit të lëndës narkotike Cannabis Sattva në 3 vende të ndryshme, konkretisht:
1. U bë kapja dhe arrestimi i shtetasit të shpallur në kërkim Medi Myftaraj 26 vjeç, lindur në fshatin Visockë, Skraparë dhe banues në Ksamil, pasi Gjykata e Rrethit Gjyqësor Vlorë e ka dënuar me 3 vjet e 4 muaj burg për veprën penale "Prodhimi dhe shitja e lëndëve narkotike".
Gjithashtu gjatë kontrollit të ushtruar në banesën e këtij shtetasi në fshatin Visockë iu gjetë dhe sekuestrua në cilësinë e provës materiale 0.5 kg lëndë narkotike Cannabis Sattiva.
---
2. U bë arrestimi në flagrancë i shtetasit Dejvis Koleci, 35 vjeç, banues në Skrapar pasi gjatë kontrollit të ushtrur në banesën e tij dhe në banesën e prindërve të tij ( e cila ishte e braktisur) në Skrapar, iu gjetë dhe sekuestrua një sasi prej 297 kg lëndë narkotike Cannabis Sattiva.
Në total është sekuestruar rreth 297 kg lëndë narkotike Cannabis Sattiva e papërpunuar.
Në ngarkim të shtetasve të arrestuar ka filluar hetimi për procedim pasuror pasi janë evidentuar disa pasuri ( 1 vilë 3-katëshe, 1 lokal dhe disa automjete) në pronësi të tyre të cilat dyshohen se lidhen me veprimtarinë e paligjshme të prodhimit dhe shitjes së lëndëve narkotike.
-----
3. Po në kuadër të këtij operacioni në një zonë të pyllëzuar në fshatin Gradecë, Skrapar janë gjetur dhe asgjësuar me anë të djegies rreth 175 rrenjë bimë narkotikë Cannabis Sattiva.
Po punohet për kapjen dhe identifikimin e autorëve.
Materialet i kaluan Prokurorisë së Rrethit Gjyqësor Berat , për veprat penale “Prodhimi dhe shitja e lëndëve narkotike” dhe "Kultivimi i bimëve narkotike" prashikuar nga nenet 283 dhe 284 të Kodit Penal.