POP 5

Lajmet më të lexuara të 5 minutave të fundit

Sociale

Skuadra turke e ndërtimit të anijeve turistike në Vlorë, inxhinieri: Pagesat janë të mira, fitoj më shumë se në Turqi

Një grup inxhinierësh dhe punëtorësh turq janë vendosur prej 5 vitesh në Vlorë ku punojnë për prodhimin e anije të vogla turistike. Ata janë shpërngulur nga Turqia bashkë me familjet për të jetuar në vendin tonë

Nga Marmarisi i Turqisë janë shpërngulur 5 vite më parë për të jetuar ne Vlore.

Skuadra turke e ndërtimit te anijeve turistike është punësuar pranë një biznesi privat dhe punon për ndërtimin e anijeve të vogla që përdoren për peshkim dhe turizëm.

‘Punojmë për ndërtimin e jahteve, anijeve turistike. Pagesat janë të mira, fitoj pak më shumë se në Turqi. Kam ardhur para 5 vitesh dhe jetoj në Vlorë bashkë me familjen.’- tha Kamil Kocer, inxhinier zbatues.

Aktualisht po ndërtojnë anije të vogël turistike, destinuar për të lundruar në ujërat shqiptare.

“Aktualisht po punojmë për një anije 20 metra të gjatë. Kemi marrë projektin dhe po e zbatojmë. Unë kam ardhur që në vitin 2019 dhe kemi bërë dy anije peshkimi dhe një tjetër anije turistike. Po kështu me dhjetëra riparime me te vogla. Shpresoj të marrim sa më shumë projekte se Vlora na pëlqen shumë”.- Xhemal Kose, punëtor montimi.

“Unë kam ardhur para një muaji dhe po përshtatem gradualisht. Atje ku jetoja është bregdet dhe këtu gjithashtu. Nëse do ketë punë them se do qëndroj për të jetuar në Vlorë bashkë me familjen”.- tha Mevlut Keskin, brigadier.

Kantieri privat i ndërtimit dhe riparimit të anijeve te vogla është vendosur në Triport dhe numëron 13 punëtorë, ku 6 prej tyre janë turq.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06