Është hera e parë në rajon që figura të rëndësishme të kombit shqiptar do të shndërrohen në skulptura dylli. 11 skulpturat do të vendosen më pas në Muzeun e Alfabetit të Gjuhës Shqipe në Manastir.
Drejtori i Muzeut të Alfabetit të Gjuhës Shqipe në Manastir, Nuer Asllani, ka pohuar se ky projekt do të zhvillohet në dy faza, e para shpallja e konkursit për projekt ideor dhe faza e dytë, është ajo e përpunimit dhe vendosjes së figurave me dyllë.