POP 5

Lajmet më të lexuara të 5 minutave të fundit

Kosova & Rajoni

Sllobodan Petroviç: Marrëveshja
nuk ka kthim prapa

Zëvendëskryeministri i Kosovës Sllobodan Petroviç është i bindur se marrëveshja e arritur mes Serbisë dhe Kosovës nuk ka kthim prapa dhe se implementimi i saj ka garanci të forta.
Zëvendëskryeministri i Kosovës Sllobodan Petroviç është i bindur se marrëveshja e arritur mes Serbisë dhe Kosovës nuk ka kthim prapa dhe se implementimi i saj ka garanci të forta. Përkundër realitetit në terren, zëvendëskryeministri dhe Ministri i Pushtetit Lokal, Sllobodan Petroviq, dëshiron të jetë optimist se raportet midis Serbisë dhe Kosovës po ndryshojnë.

Ai flet për ndjesinë e mirë e të qenit pjesë e ekipit negociator përkrah kryeministrit Hashim Thaçit, karshi bashkëkombësit të tij Ivica Daçiç në Bruksel. Por, ajo për të cilën aktualisht Petroviç nuk dëshiron të flas shumë, është referendumi që kanë paralajmëruar serbët e veriut.

Petroviq beson se marrëveshja e arritur së fundi mes të dyja vendeve do t’i jep një impuls të fuqishëm përmirësimit të raporteve ndëretnike. Megjithatë, thotë se implementimi i saj do të jetë i vështirë.

“Gjithsesi se do të jetë vështirë, tejet e vështirë. Vetë mbërritja deri tek kjo marrëveshje ishte e vështirë. Por, tani mbetet që marrëveshja dhe implementimi të shënoj shkëputje nga e kaluara dhe gjithçka të arrihet me koncensus”, thotë Petroviç.

Kjo shkëputje me të kaluarën, sipas Petroviq, shpresohet të arrihet me zgjedhjet lokale që pritet të mbahen këtë vjeshtë në tërë Kosovën.

“Zgjedhjet lokale me marrëveshje parashihen të mbahen këtë vit dhe unë nuk shoh ndonjë element që mund të pengoj këtë proces. Tani do të kemi përfaqësues të tjerë lokal dhe do të kemi Asociacionin e Komunave serbe. E vetmja që mund të diskutohet është përqindja e daljes në zgjedhje. Ajo që duhet theksuar është se ky proces do të organizohet nga institucionet e Kosovës dhe procesin do ta lehtësojë OSBE. Pra, zgjedhjet do të jenë në tërë territorin e Kosovës”, ka thënë Petroviç.

Me gjithë optimizmin, zëvendëskryeministri Petroviq ende nuk mund të jep shpjegime se si do të implementohet marrëveshja e arritur në Bruksel, cilat janë fazat e saj, si do të evoluoje ajo tutje dhe cila është e ardhmja e saj.

Marrë nga RTK
(ad.ti/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03