Krizë financiare në Turqi për Konyaspor. Klubi i Superligës në këtë vend ka disa muaj pa paguar disa futbollistë, mes tyre edhe Sokol Cikalleshin. Sulmuesi i Kombëtares dhe portieri i ekipit, Paul Bernandoni kanë muaj pa marrë atë që u takon.
Dyshja kanë kërkuar pagat e prapambetura, ndërsa nga klubi kanë marrë veçse refuzim, duke i lënë jashtë grumbullimit për ndeshjen e kësaj të diele kundër Galatasaray.
Mediet turke bëjnë me dije se portieri francez ka shkuar më tej, duke angazhuar avokatët pasi ka "disa kohë" i papaguar. Tre muaj pagë nuk ka marrë as Cikalleshi, që ka shënuar tetë gola këtë edicion në elitën e Turqisë.
![](https://shqiptarja.com/template/img/NO_ALFA_Kuadrate shqiptarja.png)
Tanimë pritet të shihet sesi palët do veprojnë, me lojtarët që kanë të drejtë të ankohen në FIFA dhe me gjasë do fitonin çështjen, duke bllokuar merkaton dhe asetet e Konyaspor. Kujtojmë se kavajasi Cikalleshi luajti i huazuar në Arabinë Saudite sezonin e shkuar dhe ka kontratë edhe për gjashtë muaj me Konyaspor.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)