Sokol Tanushi kërcënoi me armë pronarin e një lokali në Babrru, arrestohet 47 vjeçari që i fshehu armën

Pistoleta e sekuestruar

Arrestohet 47 vjeçari Artan Kërrnaja i shpallur në kërkim për veprat penale "Armëmbajtja pa leje" dhe "Përkrahja e autorit në krim".

47 vjeçari ka marrë dhe ka fshehur armën e zjarrit me të cilën Sokol Tanushi ka kanosur pronarin e një lokali në Babrru.

Tanushi ka qënë nën efektin e alkoolit dhe ka kanosur me armë zjarri tip pistoletë, në ambientet e lokalit të tij pronarin e lokalit, por për fat të mirë është neutralizuar nga personat që kanë qenë në lokal që i kanë hequr armën e zjarrit nga dora.

Arma e Tanushit është marrë dhe fshehur nga Artan Kërnaja i cili ditën e sotme është arrestuar nga efektivët e Komisariatit nr. 5 në Kamëz.

Njoftimi i policisë:

Vijon puna për kapjen e personave në kërkim kombëtar.

Ndalohet një 47-vjeçar i shpallur në kërkim për veprat penale "Armëmbajtja pa leje" dhe "Përkrahja e autorit në krim".

Sekuestrohen 1 armë zjarri dhe municion luftarak. 

Në vijim të punës për kapjen e personave të shpallur në kërkim kombëtar dhe vënien e tyre përpara përgjegjësisë penale, nga shërbimet e Komisariatit Nr. 4, në bashkëpunim me shërbimet e Komisariatin e Policisë Nr. 5, u bë kapja dhe ekzekutimi i urdhrit të ndalimit për shtetasin A. K.,. 47 vjeç, të cilit Gjykata e Rrethit Gjyqësor Tiranë i ka caktuar masën e sigurisë "Arrest në burg", për veprat penale “Armëmbajtja pa leje" dhe "Përkrahja e autorit në krim". 

Ky shtetas, më datë 19.01.2021, ka marrë dhe ka fshehur armën e zjarrit me të cilën shtetasi S. T. (i arrestuar po në atë datë) ka kanosur shtetasin P. Ll.

Gjatë kontrollit fizik, shtetasit A. K. iu gjet dhe u sekuestrua arma e zjarrit e dyshuar e përdorur në ngjarjen e datës 19.01.2021, si dhe disa fishekë.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

Be.K./Shqiptarja.com
  • Sondazhi i ditës:

    Zgjedhjet e 25 prillit, kush nga liderët po bind më shumë Rama apo Basha?

Komento


×

Lajmi i fundit

John

Rama: Për mandatin e tretë do kemi paketën më të madhe të investimeve në histori