TIRANE - Avokati i Popullit të Shqipërisë, ka nivelin më të lartë të vlerësimit në Ballkan. Lajmi bëhet i ditur nga organizata “Civil Rights Defenders” (CRD), me qendër ne Stokholm, pas një sondazhi të kryer në të gjithë rajonin e Ballkanit.

Organizata e njohur e të drejtave të njeriut ka shpërndarë pyetësorin në të paktën 40 OJF në vendet e rajonit, përfshirë Serbinë, Shqipërinë, Kosovën dhe Bosnje Hercegovinën. Bazuar në një sistem vlerësimi pikësh, OJF-të e intervistuara kanë dhënë gjykimet e tyre mbi rolin e institucionit të Avokatit të Popullit.

Rezultatet janë prezantuar nga CRD në një konferencë te posaçme dhe është prezantuar nga Drejtori Programit për Ballkanin Perëndimor, Goran Mitetic. Nga rezultatet e dala prej pyetësorit Avokati i Popullit i Shqipërisë ka pasur nivelin më të lartë të vlerësimit në pikë nga OJF-të e përfshira.

Civil Rights Defenders (Organizata e Mbrojtjes të të Drejtave të Njeriut / ish-Komiteti i Helsinkit) është një organizatë ekspertize e pavarur e themeluar në Stokholm të Suedisë në 1982, me qëllim mbrojtjen dhe promovimin e të drejtave të njeriut.


JA PYETËSORI I PLOTE:

Si do ta përshkruanit rëndësinë e Avokatit të Popullit në vendin tuaj?
Pikaverazhi për Shqipërinë: Nga “i rëndësishëm” në “shumë i rëndësishëm”

A reflektojne ligjet dhe aktet nënligjore mandat dhe funksion të qartë për Avokatin e Popullit?
Pikaverazhi për Shqipërinë: mandat i qartë

A është emërimi i Avokatit të Popullit një proces transparent dhe i drejtë?
Pikaverazhi për Shqipërinë: Proces i drejtë dhe transparent (maksimalisht)

A i merr në shqyrtim Parlamenti raportet vjetore të AP? Nëse po a keni dijeni nëse Parlamenti ka ndërmarrë veprime me qëllim që të implementohen rekomandimet e AP?
Pikaverazhi për Shqipërinë: Pakënaqësi përsa i përket shqyrtimit të raporteve të AP nga Parlamenti dhe zbatimi i rekomandimeve të AP nga Parlamenti mund të jetë shumë më i mirë

Si do ti vlerësonit raportet vjetore të AP? A raportojë ato për shembuj ose raste të shkeljeve të të drejtave të njeriut apo diskriminime? A jeni ftuar ndonjëherë për të marrë pjesë në dhënien e informacioneve dhe materialeve për raportin vjetor?
Pikaverazhi për Shqipërinë: Po të gjitha organizatat e kënaqura

A mendoni se puna e AP siguron apo kontribuon në mbrojtjen dhe promovimin e të drejtave te njeriut dhe te drejtave të minoriteteve ne vendin tuaj?
Pikaverazhi për Shqipërinë: Po të gjithë

A ngre AP cështje dhe kritika që lidhem me cështje të ndjeshme të të drejtave të njeriut ne vend ( p.sh cështje të LGBT-ve, romeve, grave.)?
Pikaverazhi për Shqipërinë: Po të gjithë

Sipas mendimit tuaj a besoni se AP kryen investigim të pavarur dhe professional të ankesave ?
Pikaverazhi për Shqipërinë: po, por kërkohet shtim kapacitetesh

Si do ta përshkruanit bashkëpunimin e AP me shoqërin civile? Ju lutem jepni shembuj të suksesshëm ose jo në këtë drejtim.
Pikaverazhi për Shqipërinë: shumë të mirë

Si do ta përshkruanit kooperimin apo bashkëpunimn tuaj me AP? Në cilat fusha bashkëpunoni?
Pikaverazhi për Shqipërinë: shumë mirë, si rastet individuale dhe ndryshimet legjislative

A keni ndërmarrë ndonjëherë iniciativa apo aktivitete të perbashkëta avokatie? Ju lutem jepni shembuj të përpjekjeve të tilla të përbashkëta.
Pikaverazhi për Shqipërinë: Po të gjithë ( janë dhënë shembuj të ndryshëm)

Ankesa ndaj Avokatit të Popullit
Pikaverazhi për Shqipërinë: të gjithë të kënaqur

Avokati i Popullit në terren?
Pikaverazhi për Shqipërinë: të gjithë të kënaqur

Sipas mendimit tuaj a ka nevojë për përmirësime në punën dhe funksionin e AP ( p.sh mandati, hapësirat e veprimit apo resurse të tjera?
Pikaverazhi për Shqipërinë: të punësojë më shumë njerëz me aftësi të kufizuara, më shumë fuqi,

A po bën Avokati i Popullit advokaci për çështjet për të cilat ju jeni duke punuar?
Pikaverazhi për Shqipërinë: po

(Redaksia Online)

(er.ci/Shqiptarja.com)